اردبیل شهرینین ملاسی دفعه‌لرله آذربایجانا، آذربایجان خالقینا قارشی تحقیرآمیز ایفاده‌لر ایشلدیب، او جمله‌دن منه قارشی. بوردا سوال اوندان عبارت‌دیر کی، اونو او وظیفه‌یه تعیین ائد‌ن آدام بونا نئجه مناسبت گؤستریر.

Axar.az خبر وئریر کی. بو سؤزلری پرزیدنت ایلهام علیئو یئرلی تلویزییا کاناللارا مصاحیبه‌سین‌ده دئییب.

«آخی او، اؤز باشینا گلیب اوردا اوتورماییب. اونو کیم تعیین ائدیب، بیز یاخشی بیلیریک. اونون رئاکسییاسی ندیر؟ او بونو دستکلییر، یوخسا یوخ؟ و آذربایجان‌دان کیم عذر ایسته‌یه‌جک؟ عذر ایسته‌یه‌جکلر، یوخسا یوخ؟

ایرانین خاریجی ایشلر ناظرلیینین آچیقلاماسی کفایت دئییل. «تأسف حسی...» بورادا آچیق تحقیر اولوب – هم تورکیه، هم آذربایجان پرزیدنتلری، هم بیزیم خالقلار – رسمی تدبیرده، جانلی یاییم گئدن زمان. و ساده‌جه، «تأسف بیلدیرمک»؟ بو، البته کی، قبول ائدیلمزدیر. اونا گؤره بیز حساب ائدیریک کی، او ایالت ملاسی جزالاندیریلمالیدیر، ان آزی، وظیفه‌سیندن قووولمالیدیر و آذربایجان‌دان عذر ایسته‌مه‌لی‌دیر. مسئله بوندادیر»، - پرزیدنت قید ائدیب.