پرزیدنت ایلهام علییئو آوروپا سیاسی بیرلیینین ایروان‌دا کئچیریلن ۸-جی زیروه توپلانتی‌سیندا ویدئوباغلانتی فورماتیندا چیخیش ائدیب. بو، آذربایجان لیدرینین ارمنستاندا کئچیریلن تدبیرده اونلاین فورمات‌دا اولسا دا، ایلک اشتراکی باخیمیندان تاریخی مقام حساب اولونا بیلر.

علییئو چیخیشین‌دا آذربایجان-ارمنستان صلح راضیلاشمالاری، بو استقامت‌ده آتیلان پراکتیکی آددیملاری دقت چاتدیردی. و آوروپا پارلامنتی و آوروپا شوراسینین صلح پروسسینه مانعه‌لر یارادان قرارلار قبول ائتدیینی، بونون اوچ سبب‌دن قایناقلاندیغینی وورغولادی:

- آذربایجان اراضی بوتؤولویو و سووئرئنلیینی برپا ائدیب.

- قاراباغ‌دا سئاراتچیلیغا سون قویوب؛

- محاربه جنایتکارلارینی عدالت محاکیمه‌سینه جلب ائدیب.

علییئو بونو آوروپا تاسیساتلارینین صلحه قارشی موقعیی کونتکستینده دیله گتیرسه ده، اساس مقام ارمنیلر اوچون تابو اولان بو مسئله‌لرین ایروان‌دا کئچیریلن تدبیرده محض آذربایجان لیدری طرفیندن سسله‌نمه‌سی ایدی. بو، «ارمنی پلانلاری»نین محو ائدیلدیی رئاللیغینین بو دفعه ایروان‌دا اعلان ائدیلمه‌سی باخیمیندان دا تاریخی مقام‌دیر.

علییئوین چیخیشین‌دا صلحله باغلی دئدیکلری، «پروسسه مانع اولماق ایسته‌ین طرفلرین بوتون سعیلرینه باخمایاراق، آذربایجان صلح گوندلیینه صادق‌دیر» سؤزلری سئچکی کامپانییاسیندا پاشینیانا اوستونلوک قازاندیریر. چونکی اوپپونئنتلری ارمنستان حاکمیتینین صلح گوندلیینه آذربایجانین آدئکوات مناسبت سرگیلمه‌دییی ادعاسیندان چیخیش ائدیر. آذربایجان لیدرینین ایروان‌داکی تدبیرده «صلحه صادیقیک» بیاناتی ایسه ارمنستان حاکمیتی اوچون سئچکی مبارزه‌سینده جدی استناد نقطه‌لریندن بیری اولاجاق.