ایران رهبری علی خامنه‌ای‌نین اردبیل ایالتین‌ده‌کی نماینده‌سی و اردبیلین جمعه ایمامی حسن آملی‌یه دستک کامپانییاسی باشلادیلیب.

Axar.az خبر وئریر کی، بو باره‌ده ایران سوسیال شبکه‌سینده معلومات یاییلیب.

بو، آذربایجان پرزیدنتی الهام علیئوین آملی‌نین اشتراکی ایله ۲۹ دکابردا کئچیریلن مراسیم‌ده آذربایجان و تورکییه‌یه قارشی ایشله‌دیله‌ن تحقیرآمیز ایفاده‌لره گؤره، ایران حاکمیتینی تنقید ائد‌ن مصاحیبه‌سین‌دن سونرا باشلادیلیب.

کامپانییایا سپاه-آ باغلی "بسیج" (کؤنوللولر اوردوسو) عضولری، بیر گروپ فارس ملت‌چیلری و بیر نئچه ملت وکیلی ده قوشولوب.

تبریزدن ایران پارلامنتینه گؤندریلن و آذربایجانا قارشی چیخیشلاری ایله تانینا روح‌اللاه متفکر آزاد دا قوشولوب.

او، سون ایکی ایلده آذربایجان رسپوبلیکاسینین مختلف شخصلری و مدیا اورگانلارینین ۲۰۰ دفعه ایران رهبرلیینی تحقیر ائتدیکلرینی ادعا ائدیب.

ملت وکیلی نالایق ایفاده‌لرین "عادی بیر شخصین سؤزلری" اولدوغونو ادعا ائدیب و آذربایجان رهبرلیینین حرمت چرچیوه‌سینده داورانمادیغی تقدیرده "داها قطعی جوابلار وئریله‌جه‌یینی" سؤیله‌ییب.

بونونلا یاناشی اردبیل ایالتینین اسلامی تبلیغات تشکیلاتی دا حسن آملی‌یه دستک پایلاشیمی ائدیب، اونا و اونو جمعه ایمامی تعیین ائد‌نه اوغورلار آرزو ائدیب.

حسن آملی‌نین باشچی‌لیق ائتدیی مراسیم‌ده سلندیریلن نالایق افاده‌لر و آملی‌یه دستک کامپانییاسی ایرانین بیر سیرا حکومت قوروملاری و مئدیا اورگانلاری آراسیندا دا فرق‌لی یاناشمالارین میدانا گلمه‌سینه سبب اولوب.

ایانین "جمهوری اسلامی" قزئتی اردبیل‌ده کئچیریلن مراسمین و اورادا سسلندیریلن افاده‌لری تنقید ائدیب، بونون قونشو اؤلکه‌لرله مناسبتلرین گرگینلشمه‌سینه خدمت ائدتدیینی یازیب.

"الده ائدیلن معلوماتلار گؤستریر کی، مسئله باکی رسمیلرینی تحقیر ائتمکدن، سیاسی تحقیردن ده آریتق اولوب. بورادا ایشله‌دیله‌ن افاده‌لر اخلاق و ادب قایدالارینا ضد اولماقلا یاناشی، شریعت قانونلارینا دا ضیددیر"،- قزئت یازیب.

"ومهوری اسلامی" قزئتی صفوی-عثمانلی آراسیندا باش وئرن چالدیران محاربه‌سینین اوستودن ۵ عصر کئچدیینی خاطرلادیب و "چالدیران شهیدلری" آدی آلتیندا کئچیریلن مراسیمین لازیمسیز اولدوغونو بیلدیریب، بونون باشقا مقصدلره خدمت ائتدیینه دقت چکیب.

قزئت حسن آملی‌نین ایالتین مدنی حادثه‌لری ایله باغلی باش وئرنلره ده جوابده اولدوغونو خاطرلادیب، اونون بئله بیر تدبیرین تشکیل ائتمه‌سینی، تدبیرده نالایق افاده‌لرین ایشلدیلمه‌سینه گؤز یومدوغونون باشا دوشولن اولمادیغینی قید ائدیب.

جمعه ایمامینا دستک کامپانییاسی گونئی آذربایجان شهرلرینده اعتراضلارلا قارشیلاشیب، یئرلی سوسیال مئدیا شبکه‌سینده بونونلا باغلی ائدیلن پایلاشیملاردا حسن آملی و اونا باغلی شخصلرین حرکتلری تنقید اولونوب.

اردبیل‌لی سوسیال مئدیا استفاده‌چیلری داخلی سوسیال مئدیا پلاتفورمالاریندا یایدیقلاری ماتریاللاردا حسن آملی‌نین اردبیل آدیندان دانیشماسینا، اردبیلین اونونلا تانینماسینا گؤره اوتاندیقلارینی یازیبلار.

قید ائدک کی، حسن آملی‌یه دستک وئرن ملت وکیلی روح‌اللاه متفکر آزاد، ایران پرزیدنتی مسعود پزشکیانین علیه‌دارلاریندان حساب ائدیلیر.

او، پرزیدنت سئچکیلری زمانی محافظه‌کار سیاسی جریانا منصوب شخصلرله عینی جرگه‌ده دایانیب، پزشکیانین رقیبی سعید جلیلی‌نی دستکله‌ییب.

بونا گؤره، تبریزلیلر اونا قارشی بیاناتلار یاییب، اونون تبریزی تمثیل ائتمدیینی، حاکمیتین محافظه‌کار قانادینین دستیی ایله پارلامنته تعیین اولوندوغونو بیلدیریبلر.