ترامپ ایزولیانیست سیاست یورودور، یعنی اونون اوچون اساس آمریکانین ماراقلاری‌دیر. آوروپا بیرلییی و دیگر متفیقلره گؤره آمریکانین اذیت چکمه‌سینی، مالیه ایتکی‌سی یاشاماسینی ایستمیر. اونا گؤره ده ناتو عضوو اؤلکه‌لرین بودجه‌لرینی ۵ فایزه قالدیرماسینی طلب ائد‌جک. یعنی ترامپ دنیادا دموکراتیا رهبرینین کیم اولماسیندان داها چوخ، آمریکانین ماراقلاری اوغروندا چالیشاجاق.

بو سؤزلری Axar.az-آ پولیتولوگ توراب رضایئو اؤتن گون آند ایچمه مراسمی باش توتان دونالد ترامپین یوروده‌جه‌یی سیاستی شرح ائدرکه‌ن دئییب.

«ترامپ اوچون اؤلکه اقتصادیاتینی گوجلندیرمک، استحصالین آمریکایا یؤنلدیلمه‌سی اساس مقصد اولاجاق. آمریکادا استحصال موسسه‌لرینین سایینی آرتیرماغی هدفلییر. انرژی مسئله‌لری موضوع‌سوندا دا یئنی نفت-گاز قویولارینین قازیلماسینا اعتراض ائتمه‌یه‌جک. ترامپ اوچون آفریکا و آسیاداکی هانسی‌سا مسئله‌یه مداخله آمریکا اهالی‌سینین ماراقلاریندان سونرا گلیر. ترامپین ایزولیانیست سیاستی دیگرلرینین گلوبالیست سیاستین‌دن فرقلنه‌جک»، - پولیتولوگ قید ائدیب.

توراب رضایئو بیلدیریب کی، بونا باخمایاراق، ترامپین بیر نئچه پریوریتت استقامتی اولاجاق:

«او همیشه دئییب کی، دونیادا صلحون، امین-آمانلیغین طرفداری‌دیر، سئچکی پروسسین‌ده ده دایم بونا توخونوب و فخرله اونون پرزیدنت‌لییی دؤورونده محاربه اولمادیغینی وورغولاییب. بو سبب‌دن پروبلملری حل ائله‌مه‌یه چالیشاجاق. اسرائیلله حماس آراسیندا ایلک آتشکه‌سین امضالانماسی هم ده ترامپ کابینتینین تضییقی ایله باش توتوب. روسیا-اوکراینا جبهه‌سینه چوخ بؤیوک تضییقلر ائدیله‌جک. بورادا دا صلحه نایل اولماغا، ایکی اؤلکه‌نی بیر آرایا گتیرمه‌یه چالیشاجاق. ۳-جو مسئله ایسه آذربایجان و ارمنستان آراسین‌داکی صلحدور. دوشونوره‌م، آرتیق طرفلر آراسیندا صلح مقاویله‌سی امضالاناجاق. ترامپ بورادا دا واسطه‌چیلیک ائتمه‌یه سعی گؤستره‌جک».

پولیتولوگ ترامپین مباحثه‌لی چیخیشلارینین یاراتدیغی سواللارا دا آیدینلیق گتیریب:

"خاریجی سیاست‌ده اساس دوشمن اوبرازی روسیادان چینه دوغرو استقامت دییشدیره‌جک. اونسوز دا آچیق شکیلده بیان ائدیب کی، اساس هدف، دوشمن چین‌دیر. پانامایا دا تأثیر گؤسترمک ایستییر. چین آرتیق اورادا ۲ لیمان آلیب و بو، آمریکانین ماراقلارینی تهدید ائدیر. اولا بیلسین کی، پاناما ایله باغلی آمریکانین هانسی‌سا دولت چئوریلیشی، یا تضییق پلانی ایشه دوشه‌جک کی، کاناللارا نظارتی گئری قایتارا بیلسین.

کانادا ایله محاربه ائتمه‌سی مسئله‌سینه گلینجه، ایسته‌نیله‌ن حال‌دا بونا گئتمه‌یه‌جک. کانادانی سیاسی جهت‌دن آمریکایا باغلاماق ایستییر. گرینلاندیا ایله باغلی سیاست ایسه تمامیله فرقلی اولاجاق. چوخ گمان کی، گرنلاندیانی رفراندوما مجبور ائد‌جک و بو شکیل‌ده مستقل‌لییه سس وئردیریب، دانیمارکادان اوزاقلاشدیراجاق، داها سونرا اساس هامی‌سینه چئوریله‌جک. اونسوز دا ایندی گرنلاندییادا یگانه حربی بازا آمریکانیندیر".