آمریکاین اشتیراک ائتدیی سون حربی کامپانیالار نمونه‌سین‌دن ده گؤروندویو کیمی، واشینگتنون اؤزو عسگر و ظابطلرینین بیرباشا اشتراکینی مینیموما ائندیرمه‌یه چالیشیر.

بو سؤزلری Axar.az-آ آچیقلاماسین‌دا روسیالی اکسپرت ویتالی آرکوو ترامپین حاکمیته گلمه‌سیندن سونرا آمریکا-ایران مناسیبتلرینی شرح ائدرکه‌ن دئییب.

«آمریکالی سئچیجیلر آغ ائوده‌ن و پنتاگون‌دان غلبه‌لر، ائلجه ده اؤلکه‌لرینین عظمتینین آرتماسینی گؤزلییر، لاکین مینلرله، حتی یوزلرله تابوتو یوخ. بونا گؤره ده آمریکا اؤز اشتراکینی کشفیات، سلاح تداروکو، هوا و دنیز راکتلرینین ضربه‌لری ایله محدودلاشدیرماغی اوستون توتوب، «ات ماشینینین یئمی»نین تداروکونو تعمین ائتمک مقصدیله یئنی ناتو عضولرینی و آلیانسا قبول اولونماق اومیدی ایله اونون قاپیسیندا دایانانلاری جلب ائدر. ایندی، مثلاً، ارمنستان بو رولو اویناییر، بو یاخینلاردا آمریکا ایله خارتییا (تفاهم‌نامه) امضالاییب و بورا «ناتو-نون حمایه‌سی آلتیندا صلحمرام‌لی میسییالاردا اشتراک» دا داخیلدیر»، - او بیلدیریب.

آرکووون سؤزلرینه گؤره، واشینگتن ترامپ رسما وظیفه‌سینه باشلامازدان اول، اسرائیل و حماس-ین حربی عملیاتلارین اینتنسیولیینی آزالتدیغی و اسیر مبادیله‌سینه باشلادیغی یاخین شرق‌دن باشلایاراق، «تهدیدلرین» تطبیقینی آپاریر:

«رسپوبلیکاچی واشینگتنلا تل-اویو، ائلجه ده ریاض آراسین‌دا دموکراتلاردان داها یاخین مناسیبتلرین اولدوغو چوخدان معلوم‌دور. هر ایکی طرفین ایسه تهرانا قارشی اؤز جدی ادعالاری وار. اونا گؤره ده واشینگتنلا تهران آراسیندا دوستلوغا چئوریله‌جک بیر ملاییم‌لیک گؤزله‌مک غریبه اولاردی. ان آزین‌دان ایران ملا رژیمی اولدوغو مدتده. ترامپ و اونون اطرافی یئرلی «ایران کامپانیاسینین» بؤیوک شرق‌ده هامینین هامییا قارشی محاربه‌سینه – اصلینده ۳-جو دنیا محاربه‌سینه چئوریلمه‌سی ریسکینین یوکسک اولدوغونو باشا دوشور. روسیا و چین دولایی و یا بیرباشا اولاراق ایرانین طرفینده حرکت ائد‌جک و رادیکال اسلام‌چیلارین (تکجه شیعه‌لر دئییل!) قیصاص ترورو آمریکا و اونون متفیقلرینین شهرلرینی قانا بوغاجاق. بو جور نتیجه‌لرین فونوندا ترامپدان جیزگی فیلمی قهرمانی روحوندا «اوشاقلار، گلین، صلح ایچینده یاشایاق» نصیحتلرینی گؤزله‌مک چتیندیر. بلی، او، بئله بیر شئیلر دئیه بیلر، لاکین یالنیز سیا-نین معلوماتینا اساساً نووه سلاحلارینین یارادیلماسی پروگرامی چرچیوه‌سینده ایشلرین آپاریلدیغی ایران اراضی‌سینده‌کی اوبیکتلره بیر نئچه دقیق راکت ضربه‌سی ائندیریلدیکدن، همچینین اسرایل ضربه‌لریندن سلامت قالان حربی-صنایع کومپلکسینین ایستراتژی حربی بازالاری و موسسه‌لرینه هجوملاردان سونرا. ترامپین چئوره‌سیندن «سیزان» معلوماتلارا گؤره، بو احتمال مذاکیره اولونور. ایران حاکمیتی، خصوصاً ده یمن‌ده‌کی حوثیلره و فلسطین‌ده‌کی حماس-ا پول و سلاحلا دستک وئرمیی دایاندیرماسا، حزبوللاهین لیوان‌داکی قانادینی یئنی‌دن یاراتماق تشببوسوندن ال چکمه‌سه، بو «سیزمالار» رئال اولا بیلر».