بو گون آذربایجانین تهران‌داکی سفیری علی علی‌زاده ایران خارجی ایشلر ناظیرلیینین آوراسییا مسئله‌لری اوزره باش دیرکتورو و ناظیرین کمکچی‌سی مجتبی دمیرچیلی ایله گؤروشوب.

Axar.az خبر وئریر کی، بو باره‌ده ایسنا معلومات یاییب.

بیلدیریلیب کی، گؤروشده ایکی‌طرفلی علاقه‌لرین حاضیرکی وضعیتی و مختلف ساحه‌لرده علاقه‌لرین انکشاف پرسپکتیوی مذاکره ائدیلیب.

مجتبی دمیرچیلی آذربایجان‌دا تحصیل آلان ایرانلی طلبه‌لرین اخلاقسیزلیغینا گؤره قوولماسینا دقت چکیب و «بونو ایکی خالق آراسیندا مناسبتلره خلل گتیرن حال کیمی قیمتله‌ندیررک، تهرانین اعتراضینی بیلدیریب و بو جور نگاتیو حاللارین سببکارلاری ایله مبارزه آپاریلماسینی ایسته‌ییب».

او، ایکی اؤلکه آراسین‌دا مناسبتلرده مثبت ایرلیلییشلره توخوناراق، سازشلرین حیاتا کئچیریلمه‌سی و ایکی اؤلکه آراسیندا مناسبتلرین قورونماسی اوچون هر ایکی طرفین سعیلرینین ضروریلیینی وورغولاییب.