آذربایجانین قاراباغ‌داکی ظفریندن، مستقل سیاست یئریتمه‌سیندن سونرا ایکی بؤیوک قونشوموز واختاشیری دولتچیلییمیزه، سووئرنلییمیزه و دولت رهبرلیینه یؤنلمیش تهدید و تحقیرلر یاغدیریرلار. خصوصیله ده ایران… بو، هانسی‌سا ساده، تانینمامیش بیر شخص طرفیندن ائدیلسیدی، هاراداسا باشا دوشمک اولاردی. گؤروروک کی، بو آچیقلامالاری رسمی مدیا قوروملاری، اینفورماسییا آگنتلیکلری، اؤلکه پارلامنتینین عضولری، ایران لیدرینین نماینده‌لری، بؤلگه اوزره والیلری و اونلارا یاخین شخصلر یاییر. بو چیخیشلار اؤزباشینا اولا بیلمز و سیستملی شکلده بیزه قارشی یؤنلمیش تخریباتین ترکیب حصه‌سی‌دیر.

بو سؤزلری Axar.az-آ پولیتولوق توراب رضایئو ایرانین باکی‌داکی سفیرینین نوبتی دفعه خارجی ایشلر ناظیرلیی-نین چاغیریلماسینی شرح ائدرکه‌ن دئییب.

او بیلدیریب کی، بو تخریباتلار ایران دولتینین خاریجی سیاستی ایله پارالل شکلده آپاریلیر:

«ماراقلی‌دیر کی، پارالل اولاراق ایرانین نماینده هیئتی گلیر، مناسبتلری نرماللاشدیرماغا چالیشیر، مقاوله امضالاماغا سعی گؤستریر، زنگزور دهلیزی ایله باغلی گؤروشلر کئچیریلیر و سایر. اوندا سوال اورتایا چیخیر: اگر اوچ‌طرفلی گؤروشلر کئچیرجییکسه، ایران خصوصی نماینده هیئتی گؤندرجکسه، اقتصادی علاقه‌لر انکشاف ائد‌جکسه، شمال-جنوب کیمی بؤیوک بیر دهلیز لاییحه‌سینین آلتینا ایرانلا بیرلیکده گیریریکسه، نئجه اولور کی، ایران آذربایجانا قارشی کوتلوی تهدیدلری داوام ائتدیریر؟ بئله چیخیر کی، اورتادا غیر صمیمی بیر محیط وار. بیز اونلارین مناسبتلری نرماللاشدیرماغا چالیشماسینا اینانمیریق. چونکی تهدید و تحقیرلری سسله‌ندیرن شخصلر رسمی وظیفه داشییر. اؤلکه رهبری بونونلا باغلی داها اول ده اؤز فکرینی بیلدیریب کی، ایران آچیق شکلده بو شخصلرین اؤلکه‌نی تمثیل ائلمدیینی دئمه‌لیدیر. دولتین سیاسی خطینه اویغون سیاست یوروتمورلرسه، او زمان امام جمعه‌لر، اونلارا یاخین شخصلر ایشلریندن آزاد اولسون، جزالاندیریلسین، هانسی‌سا شکلده تجرید ائدیلسین. عکس حال‌دا بونو ایران دولتینین رسمی موقعیی کیمی قبول ائتمکدن باشقا یول قالمیر».

او، ایرانلا یاناشی، روسیانین دا اؤلکه‌میزه قارشی آددیملارینا دقت چکیب:

«ایکیلی سیاستین داوام ائدجیی مشاهده ائدیلیر. بیر طرفدن آذربایجانلا اقتصادی علاقه‌لردن، قونشولوقدان، قارشی‌لیقلی حؤرمتدن دانیشاجاقلار، دیگر طرفدن ایسه دولتین بسلدیی شخصلر آذربایجانا قارشی بو کیمی تهدیدلری داوام ائتدیرجک. بیز سون دورلر روسیادا دا بو کیمی موقعیی گؤروروک».

قید ائدک کی، اؤتن گون ایرانین آذربایجان‌داکی سفیرلیینین موقتی ایشلر وکیلی سید جعفر آغایی مریان خارجی ایشلر ناظیرلیینه چاغیریلیب و اونا سون زمانلار حکومت دایره‌لرینه یاخین ایران متبو ارگانلارین‌دا آذربایجان علیه‌اینه، اؤلکه رهبرلیینه قارشی آچیق-آشکار شکلده آپاریلان کامپانییایا اعتراض بیلدیریلیب.