حربی جنایتلرده اتهام اولونان آرایک آروتیونیانین باکی‌دا کئچیریله‌ن محکمه‌ده اؤز تشببوسو ایله سؤز آلاراق، گنجه‌نین گئجه واختی، انسانلار یاتدیغی حال‌دا و دئمه‌لی، داها چوخ ملکی اهالینین قتلی اوچون راکتلرله وورولماسی حاقین‌دا قراری اونون وئرمدیی حاقیندا سؤزلری ارمنیستان باش ناظیری نیکول پاشینیانی جدی شکلده ناراحات ائدیب.

Axar.az خبر وئریر کی، پاشینیان اؤتن گون ارمنیستانین اجتماعی تلویزییاسینا مصاحبه‌سینده دولاییسی ایله بو باره‌ده دانیشیب.

بئله کی، آرایک آروتیونیانین محکمه زمانی گنجه و دیگر آذربایجان شهرلرینی وورماغی امر ائد‌ن و ملکی اهالینین کوتلوی قتلینه سبب اولان شخصین کیم اولدوغونو دئیه بیلجیی احتمالینا قارشی پاشینیان «حاضرلیق» گؤروب. ادعا ائدیب کی، گویا «رگیونال گرگینلیی قیزیشدیرماغا یؤنلمیش ایفاده‌لر آلماق اوچون بو انسانلارا قارشی پسیخیکایا تأثیر ائد‌ن، قاداغان اولونموش نارکوتیکلردن» استفاده اولونور و «همین محکمه ارمنیستانا (اوخو: پاشینیانا – رئد.) قارشی استفاده ائدیله‌جک».

بو سؤزلری، اصلینده، پاشینیانین اعترافی دا آدلاندیرماق اولار. چونکی ارمنیستان سلاح‌لی قوه‌لرینین عالی باش کوماندانی پاشینیاندیر.

قید ائدک کی، آرایک آروتیونیان گنجه‌نی وورماق قرارینی وئرمدیینی، بو قراری وئرمه‌یه صلاحیتینین بئله چاتمادیغینی محکمه‌ده اعتراف ائدیب. او، ۴۴ گونلوک محاربه زمانی گنجه‌نین وورولماسینی اؤزونون امر ائتدیی باره‌ده یایدیغی ویدئونو یادا سالاراق، بو ویدئونون چکیلمه سببی حاق‌دا استنطاقا ایفاده‌سینده دانیشدیغینی بیلدیریب. عینی زمان‌دا، بو حادثه‌یه گؤره آذربایجان خالقیندان عذر ایسته‌ییب.