آذربایجانین ایران‌داکی سفیرلیینده تؤردیله‌ن ترور آکتیندان ایکی ایل اؤتور.

Axar.az خبر وئریر کی، ۲۷ یانوار ۲۰۲۳-جو ایلده سحر ساعتلاریندا آذربایجانین ایران‌داکی سفیرلیینه آغیر سلاح‌لی هجوم باش وئریب. تهلوکه‌سیزلیک کامراسینا دوشه‌ن گؤرونتولره اساساً، هجوم ائد‌ن شخص سلاح‌لی شکلده سفیرلییه داخل اولاراق جدی حادثه‌لره سبب اولوب.

هجوم زامانی سفیرلیین محافظه خدمتینین رهبری اورخان عسگروو حیاتینی ایتیریب. سفیرلیین دیگر امکداشلاری واصیف تاغییئو و ماهیر ایمانوو هجوما مداخله ائدرکه‌ن یارالانیبلار. حادثه نتیجه‌سینده ترورچو درحال ضررسیزلشدیریلیب و ساخلانیلیب.

اورخان عسگروو آذربایجان دولتینین یوکسک سویه‌ده احترامی ایله دفن ائدیلیب و اؤلوموندن سونرا "وطن اوغرون‌دا" مدالی ایله تلطیف اولونوب. واصیف تاغییئو و ماهیر ایمانوو ایسه گؤستردیکلری شجاعته گؤره موافق دولت مکافاتلاری ایله تلطیف ائدیلیبلر.

حادثه‌دن سونرا آذربایجان تهرانداکی سفیرلیینین فعالیتینی دایاندیریب و بوتون امکداشلار، همچنین اونلارین عائله عضولری باکییا ائواکواسییا اولونوب.

۲۰۲۴-جو ایلده ایسه دیپلماتیک دانیشیقلار نتیجه‌سینده آذربایجانین ایران‌داکی سفیرلیی یئنی عنواندا فعالیتینی برپا ائدیب و سفیرلیک هیئتی اؤز ایشینه قاییدیب.

حادثه‌نی تؤردن شخص، یاسین حسین‌زاده، ایران محکمه‌لری طرفیندن اؤلوم حکمونه محکوم ائدیلیب. حکم تصدیقلندیکدن سونرا اجرا اوچون موافیق قوروملارا گؤندریلیب.