«ت.ر.ت وؤرلد»اون زنگزور دهلیزی ایله باغلی یاییملادیغی خریطه و مقاله ارمنستان‌دا ناراحاتلیق دوغوروب.

Axar.az خبر وئریر کی، مقاله‌ده ایرانین سوریاداکی مغلوبیت و یاخین شرقده پروکسیلرینه ائندیریلن آغیر ضربه‌لر سببین‌دن چتین وضعیته دوشدویو بیلدیریلیر.

تهرانین یاشادیغی آغیر اقتصادی چتین‌لیکلر ده نظره آلینماقلا، زنگزور دهلیزینین آچیلماسینا راضی اولماق‌دان باشقا چاره‌سینین قالمادیغی قید اولونور. ایرانین دهلیزله یاناشی بیر نئچه رگیونال لاییحه‌لره باخیشینی تکراردان نظردن کئچیره بیلجیی دئییلیر.

مقاله‌ده دهلیزله باغلی یئر آلان خریطه خصوصی دقت چکیر. بئله کی، خریطه‌یه اساساً دهلیزین باشلانغیج نقطه‌سی زنگیلان رایونونون آغبند قصبه‌سی، بیتیش نقطه‌سی ایسه ناخچیوان مختار رسپوبلیکاسینین اوردوباد شهریدیر. نشر یازیر کی، دهلیزین آچیلماسی ایران اوچون ده فایدالی اولاجاق، او ناخچیوان و تورکییه اوزریندن آوروپایا چیخیش الده ائده بیله‌جک.

سؤزوگئدن مقاله و خریطه ارمنستان‌دا جدی مذاکیره‌لره سبب اولوب. یئرلی مطبوعات، سیاست‌چیلر و اجتمایت آراسیندا ناراحاتلیق آرتیب. ارمنستانین سرحدلرینی اؤزونون «قیرمیزی خطی» آدلاندیران ایرانین قرارینی دییشه‌رک دهلیزین آچیلماسینا راضی‌لیق وئرمه‌سی احتمالی ارمنیلری تشویشه سالیب. ارمنستانین باش ناظری نیکول پاشینیانین اونسوز دا بو مسئله‌یه راضی اولدوغونو، تهرانین دا فکرینی دییشمه‌سی ایله دهلیزین آچیلماسینا هئچ بیر مانعه‌نین قالمادیغی بیلدیریلیر.