ارمنیستانین باش ناظیری نیکول پاشینیان اؤلکه‌نین قارا دنیزین دیبی ایله الکتریک کابلی چکیلمه‌سی لاییحه‌سینه قوشولماغا حاضر اولدوغونو بیلدیریب.

Axar.az خبر وئریر کی، بو باره‌ده او، ارمنیستان-گورجوستان اقتصادی امکداشلیق اوزره حکومتلرآراسی کمیسیانین اجلاسینین یکونلارینا دایر گورجوستانلی همکاری ایراکلی کوباخیدزه ایله کئچیریله‌ن بیرگه مطبوعات کنفرانسیندا دئییب.

او، رگیونال و رگیونال اولمایان لاییحه‌لرده اینکلوزیولیین تامین ائدیلمه‌سینین واجبلیینی قید ائدیب:

«بو کنتکستده ارمنیستانین قارا دنیزین دیبی ایله الکتریک کابلی چکیلمه‌سی لاییحه‌سینه قوشولماقدا ماراقلی و حاضر اولدوغونو وورغولاییریق".

قید ائدک کی، ۲۰۲۲-جی ایلین دکابرین‌دا آذربایجان، ماجاریستان، گورجوستان و رومینیا حکومتلری ۱ گ.و.ت گوجونده الکتریک انرژیسینین اؤتورولمه‌سی اوچون قارا دنیزین دیبی ایله ۱،۲ مین کیلومتر اوزونلوغوندا کابلین چکیلمه‌سینی نظرده توتان سازش امضالاییبلار. بو خط آذربایجاندا استحصال اولونان الکتریک انرژیسینی گورجوستان و قارا دنیز واسطه‌سیله رومینیایا، سونرادان ماجاریستانا و آوروپانین قالان حصه‌سینه نقل ائتمک اوچون نظرده توتولوب.