گئوسییاسی موستویده آمریکا-روسیا دانیشیقلارینین اساس گونده‌م اولدوغو واخت ارمنستان‌دا روانشیست قوه‌لر یئنی‌دن امیدلنیب. داشناکلار امید ائدیرلر کی، قاراباغی یئنی‌دن اشغال ائده بیلرلر.

Axar.az خبر وئریر کی، «داشناکسوتیون» پارتیاسینین عضوو، «ارمنستان» فراکسیاسین‌دان اولان ملت وکیلی آرتور خاچارتیانین ادعالاری بو کونتکستده خصوصیله دقت چکیر.

خاچاتریان بیلدیریب کی، دنیادا و رگیون‌دا باش وئره‌نلر یا تمامیله محوه، یا دا اومید قاپیلارینین آچیلماسینا دوغرو گئدیر.

«بونا گؤره قاراباغ مسئله‌سینی قاپالی حساب ائتمه‌یه تلسمیین. ارمنستان حاکمیتی چوخ یؤنده‌مسیز وضعیت‌ده قالیر. نیکول پاشینیان آذربایجان پرزیدنتی ایلهام علیئوین طلبینی یئرینه یئتیره‌رک، مینسک گروپونون بوراخیلماسینا حاق قازاندیرماغا چالیشیر. حالبوکی، دونن سعودییه عربستانین‌دا آمریکا و روسیا آراسینداکی دانیشیقلاردا تکجه اوکراینا دئییل، هم ده قفقاز و مرکزی آسیا دا مذاکره ائدیلیب»، - او ادعا ائدیب.

سعودیه‌ده کئچیریلن گؤروشده بئله بیر مذاکره حاق‌دا نینکی اینفورماسییا، هئچ احتمال بئله یوخدور. بو، داشناکلارین خیاللاریندان باشقا بیر شئی دئییل.