ارمنستانین آذربایجانلا سرحدده یئرلشن گؤیچه ویلایتی استقامتین‌ده آتشکسین پوزولدوغو و آتیشما سس‌لرینین ائشیدیلدیینه دایر معلوماتلار یاییلیب.

Axar.az خبر وئریر کی، بعضی ساکینلرین سوسیال شبکه‌لرده بو ادعا ایله چیخیش ائتدیی و بیر نئچه ارمنی مطبوعاتینین ده سؤزوگئ‌دن پایلاشیملارا اساساً معلومات یایدیغی بیلدیریلیر.

ویلایتین قوبرناتورو کارن سرکسیان ایسه ادعالارین حقیقته اویغون اولمادیغینی دئییب:

«گؤیچه ویلایتینین سرحدلری بویونجا آتشکس رژیمینین پوزولماسی قیده آلینماییب. مطبوعاتی اساس‌سیز گرگینلیک یاراتماماغا و رئاللیغا اویغون گلمه‌یه‌ن معلوماتلاری یایماماغا چاغیریرام».

قید ائدک کی، اؤتن گون «ژوخووورد» قزئتی بودفعه‌کی دلیمیتاسییا و دمارکاسییا پروسسینین سرحده یاخین یئرلشن گؤیچه ویلایتینین چمبه‌رک (قیرمیزیکند - رئد.) و سوتک (زود - رئد.) اراضیلریندن باشلایاجاغینی یازمیشدی.