آمریکا پرزیدنتی دونالد ترامپ ایرانلا دانیشیقلار تکلیفینی عکس ائتدیره‌ن مکتوبو عالی دینی لیدر علی خامنه‌ای‌یه گؤندرمیشدی. بونونلا ترامپ ایران‌دا سؤز صاحبینین عالی دینی لیدر اولدوغونو قبول ائتمیشدی. عالی دینی لیدر اولجه ترامپا جواب مکتوبو گؤندرمک ایسته‌میردی، سونرا فکرینی دییشدی، مشاوری علی شمخانی بیلدیردی کی، تهران واشینگتن‌لا دولایی دانیشیقلارا آچیق‌دیر، آنجاق بونون اوچون «برابر اساس‌لی و قارشی‌لیق‌لی حرمته اساس‌لانان شرطلر» اولمالیدیر.

Axar.az خبر وئریر کی، بو سؤزلری پولیتولوگ الخان شاهین اوغلو قید ائدیب.

او بیلدیریب کی، ترامپ ایران‌لی همکاری مسعود پزشکیانا مکتوب گؤندرمه‌سه ده، او دا آغ ائو صاحبینه جوابین‌دا عالی دینی لیدرین سؤیلدیکلرینی تکرارلادی:

«پزشکیان بیلدیردی کی، واسطه‌چیلر اوزریندن دانیشیقلار ممکن‌دور: «آمریکا اولجه اعتیمادی برپا ائتمه‌لی، کئچمیشده‌کی یانلیشلاری آرادان قالدیرمالیدیر». گؤر کیمه و نیی مصلحت گؤرورلر. ترامپ «یانلیشلاری آرادان قالدیرسایدی»، باراک اوبامانین دورونده ایرانلا امضالانان نووه راضیلاشماسینا گئری قاییدیش ائدردی. آغ ائو صاحبی همین راضیلاشمایا قاییتماق ایستمیر، او، تهران‌دان یئنی راضیلاشمانین مذاکره‌سینی طلب ائدیر. تهران، داها دوغروسو، قم ایسه ترامپلا نه بیرباشا دیالوگا طرفداردیر، نه ده آغ ائو صاحبینین شرطلرینی قبول ائدیر. بئله اولان حال‌دا ترامپ ایرانا قارشی هده‌لییجی تونونو سرتلشدیریب. آغ ائو صاحبی «ان.بی.سی نیوز» کانالینا مصاحیبه‌سینده بیلدیریب کی، اگر ایران راضیلیغا گلمه‌سه، بمباردمان اولاجاق و بو، اونلارین ایندیدک هئچ واخت گؤرمدیی ضربه اولاجاق. اسرائیلین ده ترامپ‌دان ایستدیی بودور».