پوتین اوکراینا ایله سیاسی و دیپلماتیک حل یولو تاپماغا آچیق‌دیر. روسیانین آمریکا ایله الده ائتدیی راضیلاشمالارا اویغون اولاراق انرژی انفراستروکتورو اوبیئکتلرینه ضربه‌لر ائندیرمه مراتریومونا قوشولدوغونو اعلان ائتمه‌سی بونا ان پارلاق ثبوتدور.

Axar.az خبر وئریر کی، بونو روسیا پرزیدنتینین مطبوعات کاتیبی دمیتری پسکوو دئییب.

او قید ائدیب کی، کی‌یو موقتی مراتریوما عمل ائتمیر و هر گون روسیانین انرژی اینفراستروکتورونا ضربه‌لر ائندیرمکده‌دیر:

«آمریکالیلارلا ایشیمیزی داوام ائتدیرجه‌ییک، صبرله اونلارا وضعیتین رئال‌لیغینی و کی‌یوین صلح نامینه هئچ نه ائتمک ایستمدیینی چاتدیراجاغیق».

پسکوو آمریکا پرزیدنتی دونالد ترامپین صلح پروسسی اوغورسوز اولارسا، روسیا نفتینه گمروک روسوملاری تطبیق ائتمکله هده‌له‌مه‌سینی شرح ائتمک ایسته‌مه‌دیینی وورغولاییب.

بوندان علاوه، او، بیان ائدیب کی، ترامپین سعودییه عربستانینا سفری روسیا پرزیدنتی ولادیمیر پوتینله ممکن گؤروشله باغلی دئییل.