حکومت رسمیلری و کابیئت عضولرینین خارجی سفرلری ایله باغلی یئنی قایدالارین معین ائدیلجیی ممکن‌دور.

Axar.az خبر وئریر کی، بو باره‌ده مسعود پزشکیان حکومتینین سؤزچوسو فاطمه مهاجرانی معلومات یاییب.

"حکومت عضولرینین خاریجه شخصی سفرلری زمانی معلومات وئرمه‌لی اولدوقلارینی تثبیت ائد‌ن اساسنامه‌نین حاضرلانماسی گؤزلنیلیر"،- او بیلدیریب.

مهاجرانی دئییب کی، کابینت عضولرینین حیات طرزی شخصی مسئله اولسا دا، بو، انسانلاری قیجیقلاندیرمایاجاق شکیل‌ده اولمالیدیر.

قید ائدک کی، بو، مسعود پزشکیانین معاوینی شهرام دبیرینین عائله‌سی ایله بیرلیکده جنوب قطبونه سفری و وطنداشلارین بونونلا باغلی اعتراض پایلاشیملارین‌دان سونرایا تصادف ائدیر.

ناراضیلار، وطنداشلاری قناعت ائتمه‌یه و دؤزوملو اولماغا چاغیران حکومت عضولرینین باهالی سفرلر ائتمه‌لرینی قیناییبلار.