تورکیه‌نین تانینمیش حربی اکسپرتی عبدالله آغارین ۴۴ گونلوک وطن محاربه‌سینین تاریخی و ایستراتژی اهمیتینی اورتایا قویان «قاراباغ داستانی» آراشدیرماسی یاخین گونلرده ایشیق اوزو گؤره‌جک.

بو باره‌ده Kult.az-آ حربی اکسپرت اؤزو معلومات وئریب.

آغارین سؤزلرینه گؤره، کتاب محاربه‌نین حقوقی، تاریخی و انسانی آسپئکتلرینه توخونور، خصوصیله شهید و قاضیلرین فداکارلیغینی وورغولاییر.

قید ائدک کی، تورکیه‌نین خصوصی تعینات‌لی قوه‌لرین‌ده خدمت ائتمیش آغار کیتابین یازیلماسی اوچون ۱۵ آی چالیشیب و بو مدت‌ده ۳۰۰-ا یاخین دؤیوش ایشتیراک‌چی‌سی ایله هم‌صحبت اولوب. کتاب‌دا آذربایجانین ظفر یولو، قهرمان‌لیق حکایه‌لری و ایستراتژی گئدیشلری اطرافلی تصویر اولونور.

او وورغولاییب کی، «قاراباغ داستانی» ۱۵۰۰ صحیفه‌لیک بیر اثر اولاراق، هم تاریخی منبع، هم ده حربی-ایستراتژی تحلیل کیمی قیمتلندیریله بیلر. کتاب آذربایجان، تورک، روس و اینگیلیس دیللرینده نشر ائدیله‌جک و گله‌جک نسیللر اوچون مهم استناد منبعی اولاجاق.