«محمت: فتحلر سلطانی» سریالینداکی او اپیزود تاریخی رئاللیغی عکس ائتدیرمیر. چونکی دؤورون بوتون منبعلرینده حسن پادشاهین اروپا دیپلوماتلارینی، گؤندریلن ائلچیلری قارشیلاماسی پروسسینین او دؤورون عنعنهسینه اویغون، یعنی پروتوکول قایداسیندا حیاتا کئچیریلدیی گؤستریلیر. دیپلوماتلارین ایمکلهیه-ایمکلهیه اونون قارشیسینا گلمهسی او سنارینی یازانلارین اویدورماسیدیر. بئله بیر معلومات دورون هئچ بیر قایناغیندا یوخدور.
بو سؤزلری آذربایجان ملی علملر آکادمیاسینین باکیخاناوو آدینا تاریخ اینستیتوتونون "آذربایجانین ۱۵-جی-۱۸-جی عصرین تاریخی" شعبهسینین مدیری توفیق نجفلی Kult.az-آ آچیقلاماسیندا ونزییا ائلچیسی زئنونون حسن پادشاهین حضورونا سؤزوگئدن فیلمده آیاقیالین و سورونهرک گلمهسی اپیزودو بارهده دانیشارکن دئییب.
"یاخشی اولاردی کی، هئچ اولماسا، او سنارینی یازانلار واختیله ونزیالی سیاحلارین، دیپلماتلارین حسن پادشاهین ساراییندا اولماسی ایله باغلی کیتابلارینا باخمیش اولاردیلار. او کیتابلار توفان گوندوز طرفیندن ۲۰۰۶-جی ایلدهن باشلایاراق آردیجیل شکیلده فارسجادان تورکجهیه ترجمه اولونوب. اورادا کاترینو زنو دا وار، آمبروکو کانتارینی ده وار و بیلاواسطه اونونلا باغلی اولان دیگر قایناقلار دا موجوددور. اونلارا باخمیش اولسایدیلار، بئله بیر یالانی گئنیش اجتیماعیته تقدیم ائتمزدیلر"، - او بیلدیریب.
تاریخچینین سؤزلرینه گؤره، حسن پادشاهین دورونون گؤرکملی سرکردهسی و دولت خادمی اولماسی ایله باغلی کفایت قدر یازیلار وار:
"علم و مدنیتین تمثیلچیسی کیمی چیخیش ائدن، بوتون جمعه گونلری اؤز ساراییندا مجلیسلر تشکیل ائدیب علمی مذاکرهلر کئچیرهن بیر آدام نئجه قدار اولا بیلردی؟ دیگر طرفدن، اونو مشاهده ائدن اروپا سیاحلارینین، دیپلماتلارین گوندهلیکلری وار. بونلار دا گؤستریر کی، دئییلهنلر اویدورمادان باشقا بیر شئی دئییل.
اوتلوق بئلی دؤیوشونده آغقویونلولار مغلوب اولموشدولار. ۲-جی محمت غالب گلمیشدی. او، اله کئچیردیی آغقویونلو عسگرلرینه نئجه رفتار ائتمیشدی؟ غددارلیغی اورادا گؤستردی، اورادان بیر سالامات آدام چیخمیشدی؟ یالنیز تیموریلرین آغقویونلو سارایینا، یعنی حسن پادشاهین سارایینا سیغینمیش شخصلر چیخماق شرطی ایله، دیگرلرینین هایسی اؤلدورولموشدو.
واختیله بیز "محتشم یوزایل» ایله باغلی اعتراضیمیزی بیلدیرمیشدیک، اونو دا قارشی طرف دوزگون قیمتلندیرمیشدی. تورکییه پرزیدنتی رجب طیب اردوغان او زامانکی مدنیت ناظرینی وظیفهدن اوزاقلاشدیرمیشدی.
ایندی بو سریال هلهلیک داوام ائدیر و سریالدا عکس اولونان اینفورماسییالارین تاریخی گئرچکلییی عکس ائتدیریب-ائتدیرمهمهسینی سورغولایاندا قارشی طرف درحال بیلدیریر کی، بو، سناریستین دوشونجهسیدیر، بئله دوشونوب. هر دوشونولن شئی فیلمه گتیریلمز کی! نظره آلماق لازیمدیر کی، فیلمی ایزلهینلر اونو تاریخی رئاللیق کیمی قبول ائدیر. اونا گؤره ده بونونلا باغلی دوشونمهیین و تدبیر گؤرمهیین واختی چاتیب".