«۴۴» فیلمی سون اون‌ایللیکلرین محاربه حاقیندا ان یاخشی فیلمی‌دیر. مکمل ایشدیر، گؤزل آکتیور اویونو و رژیسور قورولوشو وار. یعنی ۴۴ گونلوک محاربه‌نین ایچریسینده اولان بیری کیمی دئییم کی، ساواشین کسکینلیینی و آذربایجان عسگرینی تام ایفاده ائدیبلر. فیلم ایناندیریجیدیر، انسانا تأثیر ائدیر و اونو آذربایجانین حدودلاریندان کناردا دا نمایش ائتدیرمک اولار.

بو سؤزلری Kult.az-آ آچیقلاماسیندا خالق آرتیستی نورالدین مهدیخانلی «۴۴» فیلمی ایله باغلی دانیشارکه‌ن دئییب.

«نهایت، بیزیم قاراباغ ساواشی ایله باغلی اورتایا قویدوغوموز جدی بیر بدیعی صنعت اثریمیز وار.

فیلمی تحلیل ائتسک، بو، اوزون چکر. احتیاط‌دا اولان ضابط کیمی همین حادثه‌لری اولیندن سونونا قدر ایزلمیشه‌م، پروسسده اشتراک ائتمیشه‌م. اونا گؤره دئییرم کی، فیلم ایناندیریجیدیر، شیشیرتمه، بزه‌مه یوخدور و حادثه‌لرین خرونولوژی آردیجیللیغی قورونوب.

«شوشا، سن آزادسان!» مقامینا قدر فیلمی گرگینلیکله ایزله‌ییرسن، حادثه‌لردن گؤزونو آییرا بیلمیرسن.

فیلمده تکرار یوخدور، هر کادر یئنیدیر، سنی باشقا عالمه باغلاییر.

هامیمیزی، بوتون جمعیتیمیزی، آذربایجان خالقینی تبریک ائدیرم. آذربایجان عسگری و آذربایجان اردوسونون قهرمانلاری حقیقی بدیعی صنعت اثرینده گؤستریلیبلر»، - آکتیور بیلدیریب.