اوکتیابرین ۲۰-ده اوسلودا اوکراینا، آمریکا بیرلشمیش اشتاتلاری و آوروپا نماینده هیئتلری محاربه‌یه سون قویولماسی یوللارینی مذاکره ائدیبلر. گؤروشده اوکراینایا تهلوکه‌سیزلیک ضمانتلرینین وئریلمه‌سی مسئله‌سی ده گوندمه گتیریلیب.

Axar.az خبر وئریر کی، بو باره‌ده اوکراینا پرزیدنتی ولادیمیر زلنسکی گؤروشدن سونرا کئچیریله‌ن مطبوعات کنفرانسیندا معلومات وئریب.

«آمریکالیلارا گوجلو ضمانتلر وئرجکلرینی بیلدیردیکلری اوچون منتدارام. بیز مختلف تکلیفلری، او جمله‌دن ناتونون ۵-جی مادده‌سینه بنزر ضمانتلری مذاکره ائتدیک»، – دئیه زلنسکی وورغولاییب.

او قید ائدیب کی، مختلف تهلوکه‌سیزلیک ضمانتلری نظردن کئچیریلیر. بونلارا سندلرده عکسینی تاپان ضمانتلر، ائلجه ده آمریکا پرزیدنتینین خصوصی نماینده‌سی استیو ویتکافین روسیا طرفینه چاتدیراجاغی تکلیفلر داخلدیر:

«اونلارین جوابینی بیر گون سونرا ائشیدجه‌ییک».