شرقی آذربایجان ایالتینین صوفیان بؤلگه‌سینین تیرب کندینده یئرلشن تاریخی قالا و قبرستان‌لیق‌دا قانون‌سوز قازینتی ایشلری آپاریلیب.

Kult.az خبر وئریر کی، بو باره‌ده یئرلی منبع‌لر معلومات یاییب.

معلوماتا گؤره، آپاریلان قازینتیلار زمانی بؤلگه‌ده اولان قوچ داشلاری و باشقا اثرلر اوغورلانیب، تاریخی قیز قالاسینا زیان وورولوب.

یئرلی مدنی فعاللار بوندان اول تاریخی عابده‌لرین قورونماسی اوچون علاقه‌دار دولت قوروملارینا مراجعتلرینین جوابسیز قالدیغینی بیلدیریبلر.

قید ائدک کی، ۳ مین ایله یاخین کئچمیشی اولان تیرب کندینین یاخینلیغیندا یئرلشن قیز قالاسی الخانی‌لر دؤورونده ده اهمیتلی حربی استحکام کیمی مشهور اولوب.

بوندان اول قالا یاخینلیغیندا اولان یوزلرله قوچ داشلاری، باشقا داش هیکللر و داش لوحه‌لرین اکثریتی داغیدیلیب و اوغورلانیب.

مدنی فعاللار همین اثرلرین بیر نئچه‌سینین تهران و اصفهان موزئیلرینه ده آپاریلدیغینی قید ائدیبلر.