آذربایجان مستقللیک قازاندیقدان بری اورتا دهلیز اوزرینده ایشله‌ییر.

Axar.az خبر وئریر کی، بو سؤزلری پرزیدنتین کمکچی‌سی – پرزیدنت آدمینیستراسییاسینین خارجی سیاست مسئله‌لری شعبه‌سینین مدیری حکمت حاجییئو ترانس-خزر فوروموندا آنلاین فورماتدا چیخیشی زمانی دئییب.

او بیلدیریب کی، ارمنستانلا آذربایجان آراسینداکی مناقشه‌نین حلیندن و رگیوندا صلحون برقرار اولماسیندان سونرا آذربایجانین خارجی سیاستینده یئنی اؤلچولر، یئنی امکانلار یارانیب و بو یئنی جغرافیالارا دوغرو گئنیشلنیب.

«آذربایجان جنوبی قافقاز اؤلکه‌سیدیر. بیز، عینی زمان‌دا، مرکزی آسیا عائله‌سینه و خزر دنیزی بؤلگه‌سینه منصوبوق. آذربایجانین آوروپا و یاخین شرقه دایر کیملیکلری وار. بوتون بو دیرلر بیر-بیرینه ضدیت تشکیل ائتمیر، بیر-بیری ایله اویغون گلیر. ارمنستانلا مناقشه‌نین حلیندن سونرا آذربایجان اورتا گوج کنسپسییاسینا کئچیب. بیزیم اوچون اورتا گوج کنسپسییاسی یالنیز اؤلچو، اقتصادیات و اهالی ایله اؤلچولمور. بو، اؤلکه‌لرین طرفداشلیق شبکه‌سیدیر»، - دئیه پرزیدنتین کمکچی‌سی علاوه ائدیب.