تورکیه ایله گرگینلیین آرتماسی فونوندا اسرائیل و یونانیستان آرالیق دنیزینده بیرگه دنیز تعلیملری کئچیریبلر.

Axar.az خبر وئریر کی، بو باره‌ده «تایمز آف اسرائیل» معلومات یاییب.

تعلیملرده اسرائیل راکت کریسرلری و یونانیستان حربی دنیز قوه‌لرینین گمیلری اشتراک ائدیب.

اسرائیل مدافعه قوه‌لرینین معلوماتینا گؤره، اردو دنیزده تهدیدلرین آشکارلانماسی و ضررسیزلشدیریلمه‌سی، گمیلر آراسیندا بیرگه عملیاتلار و دشمن گمیلرینین راکت آتشی ایله محو ائدیلمه‌سی کیمی ساحه‌لری انکشاف ائتدیریب.

تعلیملر لیویا و تورکیه‌نین آرالیق دنیزینده دنیز سرحدلری حاقیندا سازشی راتیفیکاسیا ائتمه‌سیندن بیر نئچه گون سونرا باش توتوب. اسرائیل، یونانیستان و بیر سیرا دیگر اؤلکه‌لر بو تنضیمله‌مه‌یه قارشی چیخیرلار.