تانینمیش فوتوژورنالیست رضا دقتی پاریس‌ده اعتراض آکسیالارینی ایشیقلاندیران زمان قولوندان خسارت آلیب.

Kult.az خبر وئریر کی، بو باره‌ده فوتوژورنالیست اؤزو معلومات وئریب.

«آغریلار سببین‌دن قولومو هله ده راحت حرکت ائتدیره بیلمیرم»، - دئیه رضا دقتی بیلدیریب.

ایندیدک بئله مقیاس‌دا اغتشاشین شاهدی اولمادیغینی دقته چاتدیران ر .دقاتی علاوه ائدیب:

«مشهور برند ماغازالار دا تالان اولوندو. ایدمان گئیملری و لوازیماتلاری ساتیلان مغازادا دئمک اولار، هئچ نه قالمامیشدی. اطرافداکی دیگر اوبیکتلره ده زیان وورولموش‌دو. فرانسا جمعیتی حکومتدن بو حاللارین قارشی‌سینین آلینماسینی طلب ائدیر. انسانلار حادثه‌لرده اشتراک ائد‌ن شخصلرین معینلشدیریلمه‌سینی و قانون قارشی‌سیندا جواب وئرمه‌سینی ایستییرلر. اغتشاشلاردا اشتراک ائد‌نلرین بیر قیسمینین ۱۸ یاشینا چاتمادیغی بیلدیریلیردی. بو سبب‌دن یئتکین‌لیک یاشینا چاتمایان شخصلرین مسئولیتی مسئله‌سی ده مذاکره اولونور. عینی زمان‌دا، داغینتیلار نتیجه‌سینده دیمیش زیانین حسابلانماسی و اونون تقصیری اولان شخصلره اؤدتدیریلمه‌سی ایله باغلی تدبیرلرین گؤرولمه‌سی ده گونده‌م‌ده‌دیر».