اوکتیابرین ۱۹-دا اسرائیلین اونلارلا قیریجی طیاره‌سی ایرانا دوغرو اوچوب.

Axar.az خبر وئریر کی، بو باره‌ده «آکسیوس»آ اسرائیل و آمریکا رسمیلرینه استناد معلومات یاییب.

بیلدیریلیب کی، عملیاتدا یاناجاقدولدوران طیاره‌لر ده اشتراک ائدیب. اوچوش اسرائیل پارلامنت سئچکیلریندن بیر هفته اول و پنتاگون رهبری هگست ایله باش ناظیر نتانیاهو آراسین‌دا اوودا هوا بازاسیندا گؤروش گونو باش توتوب. منبعلره گؤره، عملیات هگستین سفری ایله علاقه‌لی دئییلدی.

«بعضی اسرائیل و آمریکا رسمیلری اوچوشو ایرانی چکیندیرمک اوچون نظرده توتولموش عادی حربی گوج نمایشی کیمی خاراکتریزه ائدیبلر. لاکن عملیات سهو حسابلاما ریسکینی داشییردی کی، بو دا تهرانین جواب تدبیرینه و محاربه‌نین یئنیدن باشلاماسینا سبب اولا بیلردی.

منبع‌لره گؤره، اسرائیل طیاره‌سینین مارشروتو سوریا و عراق هوا مکانیندان کئچیب و ایرانا ممکون هجوملا اویغون گلیر. اما ایران سرحدینه یاخینلاشان طیاره‌لر گئری دؤنوب. آمریکا رسمیلری ادعا ائدیرلر کی، اسرائیل اوچوش باره‌ده واشینگتنا اولجه‌دن معلومات وئریب و بونو سئچکیلردن اول حربی امکانلارینی نمایش ائتدیرمک و ایرانین ممکون هجوملارینین قارشی‌سینی آلماق مقصدی داشییان تعلیم عملیاتی کیمی تصویر ائدیب.

لاکن بعضی آمریکا رسمیلری اسرائیلین ایران قوه‌لرینی آتش آچماغا تحریک ائتمک و بونونلا دا جواب ضربه‌لری اوچون بهانه فورمالاشدیرماق احتمالینی استثنا ائتمه‌ییبلر. اونلار ادعا ائدیرلر کی، اسرائیل اوچوشون ایران هوا هجوموندان مدافعه سیستملری طرفیندن آشکارلاناجاغیندان خبردار اولوب».