ایران اسلام رسپوبلیکاسینین اوزلشدیی ان پیس وضعیت «نه محاربه، نه ده صلح» دورومودور.

Axar.az خبر وئریر کی، بونو ایران پرزیدنتی مسعود پزشکیان دئییب.

او قید ائدیب کی، ایرانین اؤلدورولموش عالی رهبری علی خامنه‌ای ده واختیله بو دورومدان چیخماق اوچون موافق گؤستریشلر وئریب:

«او بیزه بیلدیردی کی، گئدین، بو پروبلمی حل ائدین. بیز ده دانیشیقلار یولو ایله پروبلمی حل ائتمه‌یه گئتدیک، اما اونلار بیزیم عالی رهبریمیزی اؤلدوردولر».

پزشکیان ادعا ائدیب کی، ایران محاربه ایسته‌مه‌سه ده، هئچ بیر حالدا گوجه و زوراکیلیغا بویون ایمه‌یه‌جک.

ایران پرزیدنتی تهرانلا آمریکا آراسینداکی مناسبتلرین حاضیرکی وضعیتی باره‌ده سؤیله‌ییب:

«یارانمیش وضعیت ساده دئییل، نه بیزیم، نه ده اونلارین ماراقلارینا اویغوندور. اما اونلار خالقیمیزین حقوق و حاقلارینی تانیمالی، گوج تطبیقیندن و تجاوزدن ال چکمه‌لیدیرلر. آنجاق بوندان سونرا بیر آرایا گلیب راحتلیقلا دیالوگ آپارا بیله‌ریک».

پزشکیان عینی زماندا آمریکایا مراجعت ائد‌رک وورغولاییب کی، بوتون یوللاری باغلاییب تهدیدلر سسله‌ندیره، عینی آندا بیزیمله دیالوگ آپارا بیلمزسینیز:

«آمریکا ایران اسلام رسپوبلیکاسینین تضییقلره تاب گتیره بیلجه‌یینی دوشونموردو، اما بیز مقاومت گؤستردیک و بوندان سونرا دا مقاومت گؤسترجه‌ییک».