اوکراینا پرزیدنتی ولادیمیر زلنسکی موجود جبهه خطی بویونجا مناقشه‌نین دوندورولماسینی نظرده توتان صلح سازشینی قبول ائتمه‌یه حاضر اولدوغونو بیلدیریب.

Axar.az خبر وئریر کی، او، بو باره‌ده «فوکس نیوز»آ مصاحبه‌سینده دئییب.

مصاحبه زمانی ژورنالیست زلنسکیدن اوکراینانین اراضیسینین ۷۵%-ی و یا داها چوخو اوزرینده نظارتی ساخلایاجاغی، قالان حصه‌نین ایسه روسیانین نظارتینده قالاجاغی راضیلاشمانی قبول ائتمه‌یه حاضر اولوب-اولمادیغینی سوروشوب. اوکراینا پرزیدنتی بو سوالا مثبت جواب وئریب.

زلنسکی همچنین ائولرینی ایتیرن و حاضردا خارجده یاشایان اوکراینالیلارین اؤلکه‌یه قاییتماسینین واجبلیینی وورغولاییب:

«بیزه ائولرینی ایتیرمیش و خارج‌ده یاشایان ۹،۵ میلیون انسان لازمدیر. اونلارین اوکراینایا قاییتمالارینی ایسته‌ییریک کی، ساده‌جه یاشاسینلار و اؤز اؤلکه‌لرینی قورسونلار».