۳ نوامبردا کنگرسه سئچکیلردن سونرا آمریکانین اسرائیلله بیرگه ایرانا قارشی هجوما کئچجه‌یینی آمریکا پرزیدنتی دونالد ترامپین اؤزو ده گیزلتمیر. ایرانی بو هجوملاردان یالنیز بیر عامل خلاص ائده بیلر – سئچکیلرده اوغور قازاناجاغی ادعا ائدیلن دموکراتلار پارتییاسینین اؤلکه پرزیدنتینین قرارلارینا وتو قویماسی. اما دموکراتلار بونا گئده‌جک‌می؟ آچیغی، بو سئوالا بیرمه‌نالی جواب وئرمک ممکن دئییل. بعضی ایرانپرست پولیتولوگلار بو پروقنوزا چوخ بئل باغلاییرلار. اونلارین فیکرینجه، آمریکادا ایکی پارتییانین آمان‌سیز رقابتی سببیندن دموکراتلار رسپوبلیکاچیلاری تامامیله بیتیرمک اوچون ترامپین ایران سیاستینی افلیج ائتمه‌یه محکوم‌دور. عینی زامان‌دا، ادعا ائدیلیر کی، اسرائیل‌ده ۲۷ اوکتبردا کئچیریله‌جک پارلامئنت سئچکیلرینده نتانیاهونون «لیکود» پارتییاسی بؤیوک مغلوبیته اوغرایاجاق و حاکمیته گلن یئنی قوه‌لر ایرانلا محاربه‌یه چوخ میللی اولمایاجاقلار.

بو سؤزلری Axar.az-آ آچیقلاماسیندا سیاسی شرحچی حیدر اوغوز اسرائیل و آمریکاداکی سئچکیلردن سونرا ایرانا هجوملارین برپا اولوناجاغی احتمالی باره‌ده دانیشارکن دئییب.

او بیلدیریب کی، بو پروقنوزلارا چوخ دا اینانمیر، چونکی یاخین شرق مسئله‌سی آمریکانین پارتیالاراوستو پلانی، تهلوکه‌سیزلیک دکتریناسی‌دیر:

«۱۹۷۰-جی ایللرین سونلاریندان بو گونه قدر یورودولن بوتون سیاست یاخین شرقی روسییانین تأثیر دایره‌سیندن آییرماغا خدمت ائدیب و بونون اوچون «یاشیل کمر» آدلی استراتژی حیاتا کئچیریلیب. همین استراتژییه گؤره، اسلام دنیاسینی مسکونون تأثیر دایره‌سیندن آییرماق اوچون سیاسی و رادیکال اسلامی جریانلارین یاخین شرق‌ده کؤک سالماسینا چالیشیلیب. محض بو استراتژی چرچیوه‌سینده اسلام دنیاسی یالنیز روسییادان اوزاقلاشدیریلماییب، یئری گلنده مذهب محاربه‌لری قیزیشدیریلاراق جغرافییامیز قان گؤلونه چئویریلیب. پرزیدنت الهام علیئوین یئنی آذربایجان پارتیاسینین ۸-جی قورولتاییندا سؤیله‌دیی مشهور نطقینده «ایدئولوژی تخریباتلارا قارشی حاضر اولمالیییق» مئساژی دا اصلینده بو پلانین هله ده قوه‌ده اولدوغونو، حتی آذربایجانا قارشی حیاتا کئچیریلمه‌سینین ده احتمال خارجینده گؤرولمه‌دیینی تسدیقله‌ییر. تصادفی دئییل کی، همین چیخیش‌دان درحال سونرا آذربایجانا قارشی ایدئولوژی هجوملارا استارت وئریلدی.

آمریکانین یئنی هیبریت محاربه‌سین‌ده اساس هدفی ایران‌دیر و بوتون هیبرید محاربه‌لر کیمی، بو حمله‌له‌لر ده چوخطرفلی کاراکتئر داشییاجاق. بیر طرف‌دن ایرانین اقتصادی و حربی موسسه‌لری وورولاجاق، دیگر طرف‌دن اونا قارشی مالییه سانک‌سییالاری آرتیریلاجاق و اونون نفت ساتیشلاری تامامیله دوردورولاجاق. ایران اوچون ان آغیر ضربه ایسه هرمز بوغازینین انرژی دهلیزی کیمی فعالیتینین دایاندیریلماسی اولاجاق. باشقا سؤزله دئسک، هرمز بوغازینا آلترناتیو لاییحه‌لر، او جمله‌دن تورکییه‌نین دستکله‌دیی قالخینما یولونا استارت وئریله‌جک.

عینی زامان‌دا ایرانین داخیلینده‌کی ناراضی کوتله‌نین اعتراض آکسییالاری تشکیل اولوناجاق. بئله‌جه، ۱۹۹۰ و ۲۰۰۳-جو ایللرده عراقا قارشی حیاتا کئچیریلن هجوم استراتئژیسی بو سفر ایران‌دا تطبیق ائدیله‌جک. اول اقتصادی و سوسیال حیات افلیج وضعیته گتیریله‌جک، بیر نئچه ایلده‌ن سونرا ایسه ایران خالقینین دا اشتیراکی ایله رژیم چؤک‌دوروله‌جک».

پولیتولوگون سؤزلرینه گؤره، هر ایکی کؤرفز ساواشیندا (۱۹۹۰ و ۲۰۰۳-جو ایللرده) رسپوبلیکاچیلار پارتییاسی حاکمیت‌ده ایدی:

«اما اونلاردان سونرا گلن دموکراتلار دا ساواشی دایاندیرمادیلار، عکسینه، ۲۰۰۹-۲۰۱۷-جی ایللرده باراک اوباما حاکمیتی دؤورونده داها قانلی مذهب محاربه‌سی باش وئردی. بو فاکت گؤستریر کی، آمریکا آدمینیستراسییالارینین یاخین شرق سیاستی اصلا دییشمیر، پارتییالار بیر-بیرینین تاماملاییجی‌سی کیمی فعالیت گؤستریرلر».

اکسپرتین فیکرینجه، کنگرس سئچکیلرین‌دن سونرا داها دا بؤیوین هیبرید هجوملار زامانی آذربایجان دا ایران‌دان قایناق‌لانان هجوملارا معروض قالا بیلر:

«او سبب‌دن ده بیز ایران‌دان قایناقلانان ایدئولوژی حمله‌له‌لری گؤزاردی ائتمه‌دن هر جور تخریباتلارا حاضر اولمالیییق. آمریکانین ایرانا و اونون پروک‌سی قوه‌لرینه قارشی مبارزه‌سی، اساساً، عراق، یمن، لبنان جغرافییاسیندا گئده‌جک. واشینگتن بو مبارزه‌یه تورکیه، پاکستان، مصر و سایر مسلمان اؤلکه‌لرینی ده جلب ائتمکله اصلینده عینیله عراق‌دا اولدوغو کیمی، ساواشین ویزیونونو دییشیب اسلام‌داخیلی ساواشا، داها دقیق ایفاده ایله دئسک، مذهب محاربه‌سینه چئویرمه‌یه چالیشیر. اصلینده مکه اتفاقی دا بو مقصدله قورولوب و آمریکا بؤیوک اؤلچوده اؤز حاضرلیق مرحله‌سینی تاماملاییب. طبیعی کی، استراتژی متتفیقلریمیزین داخیل اولاجاغی ساواشا ایران دا لاقید قالمایاجاق و بو اؤلکه‌لرین «یومشاق قارینلارینا» ضربه‌لر ائندیرمه‌یه چالیشاجاق. اودور کی، بیزیم حربی و تهلوکه‌سیزلیک سیستمیمیز بوتون ممکن سسئناریلری گؤزدن کئچیرمه‌لی و احتیاطی الده‌ن وئرمه‌مه‌لی‌دیر».