ایرانین ترکمنلرین کومپاکت یاشادیغی گلستان ایالتین‌دن (تورکمن-صحرا) اولان امین راسنین "قاندی" آدلی یئنی ماهنی‌سی سوسیال مئدیادا میلیونلارلا باخیش سایی قازانیب و سون هفته‌لرین ان چوخ ایزله‌نیله‌ن ماهنیلاریندان بیری اولوب.

Kult.az خبر وئریر کی، بو باره‌ده تبریزین "آذرانجمن" نشری معلومات یاییب.

راسن یئنی ماهنی‌سین‌دا ترکمنلر، خزر دنیزی، جیحون چایی و ترکمنلرین مدنی کؤکلرینی ترنم ائدیر.

ایران‌دا گئنیش فعالیتینه اجازه وئریلمدیی حال‌دا، راسنین ماهنیلاری تورکمن-صحرا بؤلگه‌سیندن کنارا یاییلیب، اورتا آسیادا، خصوصاً ده ترکمنستان رسپوبلیکاسی، روسیا فدراسییاسی و اؤزبکستان رسپوبلیکاسین‌دا رغبتله قارشیلانیب.

امین راسنین اوخوما طرزی تورکمن موسیقی‌سینین کؤکلری و معاصر رپ‌ده‌کی اینوواسییانین بیرلشمه‌سی‌دیر. بو ایسه بیر چوخ ایزلییجی اوچون یئنی و فرق‌لی گؤرونه‌ن بیرلشمه اولدوغو اوچون، اونون ایفالارینین سرعتله یاییلماسینا سبب اولوب.