بو انقلابین و خالقین یولوندا هر شئییمیزی، حیاتیمیزی دا قربان وئرمه‌یه حاضیق و یاشادیغیمیز مدتجه بونو داوام ائدجییک.

Axar.az خبر وئریر کی، بونو ایران پرزیدنتی مسعود پزشکیان اؤتن گئجه حکومت اجلاسین‌دا دئییب.

الکتریک، گاز و انرژی ساحه‌سینده اولان پروبلملره توخونان پزشکیان، بو ساحه‌ده خصوصی اداره‌چیلیین واجیبلیینی وورغولاییب:

"بونونلا باغلی حرمت‌لی رهبرین ده گؤستریشلری وار، یاشادیغیمیز مدتجه پروسسلری اداره ائدجییک. من اؤزوم باره‌ده دانیشیرام، یا اداره‌چی‌لییی گوجلو شکیل‌ده داوام ائتدیره‌جه‌یه‌م و یا دا شهید اولاجاغام. هر ایکی‌سی ده منیم اوچون بؤیوک غلبه‌دیر".

ایران پرزیدنتی بوتون باش وئره‌نلره باخمایاراق میدان‌دا اولوب و اداره‌چی‌لییی داوام ائدیرمیین واجیبلیینی بیلدیریب:

"میدان‌دا اولماق لازیم‌دیر، بیزیم جانیمیز رهبرین و باشقا شهید اولانلارین جانیندان قیمتلی دئییل".

قید ائدک کی، اؤتن گون مسعود پزشکیانین استعفا وئردیی باره‌ده معلوماتلار یاییلمیشدی.