ایران آمریکانین بمباردمانلاری نتیجه‌سینده گیریشلری بلوکلانان ۱۸ بؤیوک یئرالتی راکت آنبارینا چیخیشی برپا ائدیب.

Axar.az خبر وئریر کی، پیک گؤرونتولرینی تحلیل ائد‌ن سی.ان.ان تله‌کانالینین معلوماتینا گؤره، اؤلکه بو بازالارداکی ۶۹ تونلدن ۵۰-سینی تمیزله‌ییب.

اکسپرتلر حساب ائدیر کی، یئرالتی آنبارلارا یولون آچیلماسی ایرانین اسرائیله و یاخین شرقین دیگر دولتلرینه قارشی داها چوخ اوزاقمنزللی راکت بوراخماق امکانینی آرتیریر.

جیمز مارتین مرکزینین علمی ایشچیسی سم لر قید ائدیب کی، استحصال دایاندیریلسا بئله، ایرانین الینده اولان موجود راکت احتیاطلاری بوراخیلیش قورغولارینی تجهیز ائتمک اوچون کفایتدیر.

کوسموسدان چکیلمیش گؤرونتولر گؤستریر کی، ایران طرفی اوچقونلارین تمیزله‌نمه‌سی اوچون بولدوزر و یوک ماشینلاریندان استفاده ائدیب، همچنین یوللاری تعمیر ائدیب. آنالیتیکلر وورغولاییرلار کی، بو فاکت آمریکا و اسرائیلین حربی کامپانیاسینین محدودیتلرینی اورتایا قویور: تونل گیریشلرینه وورولان ضربه‌لر تهرانین راکت پوتنسیالینی محو ائتمک اوچون یئترلی دئییل.

ایرانین ایگیرمی ایلدن چوخدور تیکدیی بو یئرالتی شبکه راکتلری و بوراخیلیش قورغولارینی اعتبارلی شکلده قورویور. بعضی اوبیکتلرین قایالیقلارین آلتیندا یوزلرله متر درینلیکده یئرلشمه‌سی آمریکا و اسرائیلین حیاتا کئچیردیی هجوملارین افکتیولیینی جدی شکلده آزالدیر.