آمریکا پرزیدنتی دونالد ترامپ آغ ائوده ژورنالیست اویغون سوالینا جواب اولاراق، تورکیه ایله اسرائیل آراسینداکی گرگینلییه مناسبت بیلدیریب.

Axar.az خبر وئریر کی، ژورنالیست اردوغانین اسرائیله قارشی سرت بیاناتلارینی خاطیرلاداراق، ایکی اؤلکه آراسیندا حربی قارشیدورما احتمالینین اولوب-اولمادیغینی سوروشوب. همچنین تورکیه‌یه اف-۳۵ قیریجیلارینین ساتیشینین ممکونلویو باره‌ده ده سوال وئریلیب.

ترامپ سوالا جواب اولاراق اردوغانی یاخین دوستو آدلاندیریب:

«اردوغان منیم چوخ یاخشی دوستومدور و بیز بیرلیکده چوخ یاخشی ایشله‌میشیک. اونو چوخ سئویرم. بونو دئمه‌مه‌لییه‌م، چونکی مدیا درحال "ترامپ اردوغانی سئویر" دئیه‌جک. اما او، غیرعادی لیدردیر، گوجلو انساندیر، حقیقتا چوخ گوجلو انساندیر".

آمریکا پرزیدنتی تورکیه ایله اسرائیل آراسیندا مناقشه احتمالیندان دا دانیشیب:

«بئله بیر شی ائشیتممیشه‌م. ائشیتسیدیم، اونا زنگ ائدر و هر شیین قایداسیندا اولدوغونا امین اولاردیم. تورکیه ایله بئله بیر حادثه‌نین باش وئرجه‌یینی دوشونمورم. هئچ اولماسا، من پرزیدنت اولدوغوم مدتده بو باش وئرمز. چونکی او منه حرمت ائدیر، من ده اونا حرمت ائدیرم. آرامیزدا یاخشی دوستلوق وار».