آمریکا پرزیدنتی دونالد ترامپ ارمنستانین باش ناظیری نیکول پاشینیانی پارتییاسینین پارلامنت سئچکیلرینده‌کی غلبه‌سی مناسبتیله تبریک ائدیب.

Axar.az خبر وئریر کی، ترامپ بو باره‌ده سوسیال شبکه حسابین‌دا یازیب.

«نیکول پاشینیانی ارمنستانین ملی سئچکیلرینده یئنیدن غلبه قازانماسی مناسبتیله تبریک ائدیرم. اونون یئنیدن سئچیلمه‌سینی دستکلدییم اوچون چوخ غرور دویورام و شبهه ائتمیرم کی، اونون رهبرلیی آلتیندا گؤزل ارمنستان اؤلکه‌سی بوتون گؤزلنتیلری آشاراق، بؤیوک اوغور و رفاه سوییه‌سینه چاتاجاق»، - ترامپ قید ائدیب.

او بیلدیریب کی، سئچکیلرین نتیجه‌لری ارمنیستانلن داها دا انکشافی و محکمله‌نمه‌سی اوچون امکانلار آچیر.

قید ائدک کی، ۷ ایوندا باش توتان پارلامنت سئچکیلرینده نیکول پاشینیانین ملکی مقاوله پارتییاسی ۴۹،۸۲% سس توپلایاراق، ۱۰۵ یئرلیک پارلامنتده ۶۴ ماندات قازانیب.

خاطیرلاداق کی، ارمنستانین «استراتژی طرفداشی» روسیا هله ده پاشینیانی تبریک ائتمه‌ییب، عکسینه، کرملین سئچکی ساختاکارلیغی باش وئردیینی ادعا ائدیب.