روسیانین ان بؤیوک آنلاین مارکت‌پلیسلریندن بیری اولان «ویلدبریس»این لوگیستیکا اینفراستروکتورونا اوکراینانین ائندیردیی ضربه‌لر روسیا اوچون نفت زاوودلارینا هجوملار قدر آغیر اقتصادی نتیجه‌لره سبب اولا بیلر.

Axar.az خبر وئریر کی، بو باره‌ده بؤیوک بریتانیانین «سون» نشری یازیب.

نشرین معلوماتینا گؤره، سون گونلر اوکراینا پیلوتسوز اوچوش آپاراتلاری روسیانین مختلف بؤلگه‌لرینده «ویلدبریس» شرکتینه مخصوص بیر نئچه لوگیستیکا کمپلکسینه ضرر ووروب و یا اونلاری محو ائدیب:

«بو هجوملار یالنیز ایری شرکته زیان وورماقلا کفایتله‌نمه‌ییب، هم ده مارکت‌پلیسدن آسیلی اولان روسیاداکی چوخ‌سایلی کیچیک بیزنسلرین فعالیتینی پوزوب و اؤلکه اوزره گونده‌لیک تجارتده پروبلملر یارادیب».

نشره آچیقلاما وئرن اکسپرتلر حساب ائدیرلر کی، یئنی تاکتیکانین یالنیز حربی دئییل، هم ده پسیخولوژی تأثیری وار.

«اوکراینالیلار فوق‌العاده و گؤزلنیلمز اوغور الده ائدیبلر و بو، آددیم-آددیم رژیمه دستیی ضعیفله‌دیر»، – بریتانیالی اکسپرت مارک گالوتی بیلدیریب.

نشرین سؤزلرینه استناد ائتدیی آنالیتیک ناتیا سسکوریا ایسه بو کامپانیانی اوکراینانین استراتگیاسیندا یئنی مرحله آدلاندیریب. اونون قیمتله‌ندیرمه‌سینه گؤره، لوگیستیکا مرکزلرینه ضربه‌لر سیراوی روسیالیلارین گونده‌لیک حیاتینا جدی تأثیر گؤستره بیلر.

«بو، اوکراینا طرفیندن چوخ عقللی استراتگیادیر. بو، روسیاداکی عائله‌لره اهمیتلی تأثیر گؤسترجک»، – دئیه او بیلدیریب.