روسیه اوردوسو اودسا یاخینلیغیندا ایکی دفعه خاریجی مۆلکی گمییه درونلارلا هۆجوم ائدیب. ان آزی یئددی نفر یارالانیب.

Axar.az خبر وئریر کی، بو باره‌ده اودسا ویلایت حربی آدمنیستراسییاسینین رهبری اولق کیپر معلومات وئریب.

«دۆشمن پوا-لاری پالائو بایراغی آلتیندا اۆزن و قارغیدالی یۆکو داشییان مۆلکی تجارت گمیسینه ایکی دفعه ضربه ائندیریب. بیرینجی ضربه یوخاری گؤیرته‌یه و یۆک آنبارینا زیان ووروب. ایکینجی ضربه ایسه اۆست تیکیلیده یانغینا سبب اولوب»، - او بیلدیریب.

حاضردا آختاریش-خلاص ائتمه عملیاتی داوام ائدیر.
قید ائدک کی، بوندان اؤنجه روسیه مدافعه ناظرلییی اوکراینایا مخصوص حربی یۆک داشییان گمسینی ووردوغونو بَیان ائدیب.