حکومت پرزیدنت مسعود پزشکیانین چیخیشینین بیر حیصه‌سینی کسدییی اۆچۆن ایران رادیو و تلویزیون شرکتینه خبردارلیق ائدیب.

Axar.azا خبر وئریر کی، بو باره‌ده ایسلام جمهوریتی حکومتینین رسمی‌سی فاطمه مهاجرانی بیلدیریب.

اونون سؤزلرینه گؤره، بو باره‌ده خبردارلیقلار خالق آراسیندا هارمونی و بیرلیک یاراتماق، هر جور پارچالانما، فکر آیریلیغی و اؤزگه‌لشمه‌نین قارشیسینی آلماق اۆچۆن ائدیلیب.

فاطمه مهاجرانی ایران رادیو وتلویزیون شرکتینین یاییما آیری-سئچکیلیک و سانسور ایله یاناشماسی باره‌ده سوالا جاواب اولاراق دئییب:
«طبیعی کی، یئرلی مئدیا جمعیّتین بوتون سسلرینی، خصوصاً اونون خدمتچیلرینین، او جمله‌دن حکومتین سسینی عکس ائتدیرمه‌لیدیر».
خاطرلاداق کی، ایرانی دؤلت تلویزیونوندا پرزیدنت مسعود پزشکیانین و پارلامنت صدری محمد باقرقالیبافین چیخیشلارینین بیر حیصه‌سی اختصار ائدیلیب.

ایران پرزیدنتینین اوغلو یوسف پزشکیان دؤلت تلویزیونونون بو حرکتینی تنقید ائدرک بیلدیریب کی، اؤلکه‌نی ائله دؤلت تلویزیونونداکی شخص اداره ائتسین.