آمریکا ایله مناسبتلری درینلشدیرمه‌یه چالیشان و دوستلوقلاری مهم گئوسییاسی اهمیت داشییان اؤلکه‌لره اینوستیسیا قویماقدان امتنا ائده بیلمه‌ریک.

Axar.az خبر وئریر کی، بو فکرلری آمریکا سناتینین خارجی علاقه‌لر کمیته‌سینین عضوو، سناتور استیو دینس واشینگتن‌دا کئچیریله‌ن ترانس-خزر فورومون‌دا سسلندیریب.

سناتور بیلدیریب کی، آمریکانین خزر بؤلگه‌سینده آرتان اشتراکی هر ایکی طرف اوچون فوندامنتال دییشیکلیک دئمکدیر:

«پرزیدنت دونالد ترامپ، دولت کاتبی مارکو روبیو و آدمینیستراسیانین آمریکا ملی ماراقلارینین تامین اولونماسینا یؤنلمیش قطعیتلی سیاستی مرکزی آسیا و قافقازدا نمایش ائتدیریله‌ن جسارتلی لیدرلیکله بیرلیکده یئنی امکداشلیق و دوستلوق دورو اوچون بؤیوک امکانلار یارادیب.

آمریکا، مرکزی آسیا و قافقاز اؤلکه‌لری آرتیق استراتژی باخیمدان بیر-بیرینه داها دا یاخینلاشیب. بو فوندامنتال دییشیکلیک نتیجه‌سینده مناسبتلریمیز حاضردا اولدوقجا مثبت مرحله‌یه قدم قویوب و بونون اوزون‌مدتلی اولاجاغینا اینانیریق».