اسرائیلین اؤلکه داخلینه ائندیردیی اؤلومجول هوا ضربه‌لری سوریانین سوورنلیینین کوبود شکیلده پوزولماسی دئمکدیر.

Axar.az خبر وئریر کی، بو باره‌ده سوریا خاریجی ایشلر ناظرلیینین آچیقلاماسیندا بیلدیریلیب.

«اسرائیل قوه‌لری بین‌الخالق حقوقو و سوریانین سوورنلیینی آچیق-آشکار پوزاراق، اؤلکه‌نین ۵ منطقه‌سینه هوا ضربه‌لری ائندیریب. بو اساس‌سیز اسکالاسییا سوریادا ثابت‌لییی پوزماق اوچون مقصدیؤنلو جهددیر»، - معلوماتدا وورغولانیب.

قید ائدیلیب کی، ضربه‌لر حما ایالتین‌ده‌کی حربی هوا لیمانینین تمامیله داغیدیلماسی ایله نتیجه‌لنیب، اونلارلا ملکی شخص و حربچی یارالانیب، ۱۰ نفر هلاک اولوب.

سوریا خارجی ایشلر ناظرلییی ضربه‌لرین اؤلکه‌نین ۱۴ ایللیک محاربه‌دن سونرا یئنی‌دن قورولماغا چالیشیلدیغی بیر واختدا باش وئردیینی وورغولاییب و بونو «اؤلکه داخلینده زوراکی‌لیغی عادی‌لشدیرمک ایستراتگییاسی» آدلاندیریب.

اسرایل مدافعه ناظرلیینین آچیقلاماسینا گؤره، بیر نئچه سلاحلی شخص گئجه ساعتلاریندا سوریانین جنوبونداکی تاسیل شهرینده یئرلشن اسرائیل عسگرلرینه آتش آچیب. اسرائیل حربچیلری بوندان سونرا جواب آتشی آچیب و بیر نئچه سلاحلی شخصی یئردن و هوادان محو ائدیبلر.

خاطرلاداق کی، تاسیل اسرائیل-سوریا سرحدی بویونجا سلاحسیزلاشدیریلمیش بوفر زوناسیندان کناردا یئرلشیر.