آمریکا مدافعه ناظرلییی وئنزوئلادا باش وئرن زلزله‌لردن ضرر چکه‌نلره یاردیم گؤسترمک اوچون تخمیناً ۲ مین حربچینی سفربر ائدیب.

Axar.az خبر وئریر کی، بو باره‌ده آمریکا سلاحلی قوه‌لرینین جنوب کوماندانلیغینین رهبری، گنرال فرنسیس دونووان معلومات وئریب.

«حاضردا آمریکا مدافعه ناظرلیینین ونزوئلا اطرافیندا – قورودا، هوادا و دنیزده – تخمیناً ۲ مین امکداشی فعالیت گؤستریر. اونلار هر گون یورولمادان آختاریش-خیلاص ائتمه عملیاتلارینا دستک وئریر، همچینین ضروری هومانیتار یوکلرین چاتدیریلماسینی تعمین ائدیرلر»، – دئیه او بیلدیریب.

گنرال وورغولاییب کی، آمریکا حربچیلری ایش تام باشا چاتانا قدر ونزوئلایا یاردیم گؤسترمه‌یه داوام ائد‌جکلر.

ونزوئلا حاکمیتینین سون معلوماتینا گؤره، ایونون ۲۴-ده باش وئره‌ن ایکی گوجلو زلزله نتیجه‌سین‌ده ۲۲۹۵ نفر حیاتینی ایتیریب، ۱۱،۲ مین‌دن چوخ انسان مختلف درجه‌لی خسارتلر آلیب.

داغینتیلار آلتیندان ۶۴۶۱ نفر ساغ چیخاریلیب. حاضردا تخمیناً ۳۰ مین ضررچکه‌ن موقتی سیغیناجاقلاردا قالیر.