اؤتن گئجه سپاه عراقین شمالین‌دا یئرلشن اربیل شهرینین شرقین‌ده‌کی گؤی‌سانجاق بؤلگه‌سینده ایران حکومتینه مخالف سلاحلی کرد گروپلاشمالارینین دوشرگه‌سینه ضربه‌لر ائندیریب.

Axar.az خبر وئریر کی، بو حاق‌دا عراق مئدیاسی معلومات یاییب.

پوا و راکت ضربه‌لری نتیجه‌سینده ممکن انسان تلفاتی و خسارتلر باره‌ده آچیقلاما وئریلمه‌ییب.

ایرانین "فارس" خبر آگنت‌لییی ده یئرلی منبع‌لره استنادن اربیل و سلیمانیه‌ده بیر نئچه پارتلاییشین باش وئردیینی، او جمله‌دن "آزادلیق پارتیاسی"نین قرارگاهینین بالستیک راکتله هدفه آلیندیغینی بیلدیریب.

بو، سون گونلر غربی آذربایجان و کرمانشاه ایالتلرینده سپاه قوه‌لری ایله سلاحلی کورد گروپلاشمالاری آراسیندا باش وئرن توققوشمالاردان سونرایا تصادف ائدیر.

توققوشمالار نتیجه‌سین‌ده ۴ کرد سلاحلی‌سی و

۲ سپاه عضوو هلاک اولوب، بیر نئچه نفر یارالانیب.