روسیا پرزیدنتی ولادیمیر پوتین اوکراینانین روسیا اراضی‌سینه، خصوصیله ده پایتخت بؤلگه‌سینه پوا-لارلا آرتان هجوملاری سببین‌دن چتین وضعیته دوشوب و نه ائدجیینی تام بیلمیر.

Axar.az خبر وئریر کی، بونو آمریکانین کئچمیش مدافعه ناظری لئون پانتا دئییب.

کئچمیش ناظر خصوصیله اوکراینانین مسکوا ویلایتینین دبنا شهرینده یئرلشن پیک رابطه مرکزینه ائندیردیی ضربه‌یه دقت چکیب:

«روسیا حاکمیتی همین مرکزدن کشفیات معلوماتلارینین توپلانماسی و اوکراینایا قارشی حربی عملیاتلارین علاقه‌لندیریلمه‌سی اوچون استفاده ائدیر. بو، کی‌یئوین سون دورده همین اوبیکته ائندیردیی ایکینجی ضربه اولوب».

اونون فکرینجه، روسیا لیدری آتشکسه راضی‌لیق وئرمه‌لیدیر. لاکین پانتانین سؤزلرینه گؤره، پوتینین ایندیه‌دک نماییش ائتدیردیی داورانیش طرزینی نظره آلساق، او، بئله آددیملارا مقاومت گؤسترمه‌یه داوام ائد‌جک و نتیجه‌ده روسیا بونون آغیر بدلینی اؤد‌یه‌جک:

"پوتین هئچ بیر شرایط‌ده غالیب گلمه‌یه‌جک. پرزیدنت دونالد ترامپ اوچون بو محاربه‌ده غالیب گله‌جک طرفی سئچمک عقل‌لی قرار اولاردی و بو طرف اوکراینادیر".