اوکراینادا بالستیک راکت هجوملاریندان مدافعه اوچون «پاتریوت» سیستملری و اونلار اوچون راکتلرین کریتیک چاتیشمازلیغی وار.

Axar.az خبر وئریر کی، بونو اوکراینا حربی هوا قوه‌لرینین نماینده‌سی یوری ایگنات دئییب.

اونون سؤزلرینه گؤره، روسیانین گئجه حیاتا کئچیردیی هجوم زمانی بالستیک راکتلری ایسته‌نیله‌ن سوییه‌ده ضررسیزلشدیرمک ممکن اولماییب:

«بالستیک راکتلرله باغلی وضعیت آیدیندیر، بو، حاضردا بیزیم ان ضعیف نقطه‌میزدیر. ایندی نه ایشه یاراییر؟ حاضردا مدافعه پاسیو - سیغیناجاقلار، قورویوجو استروکتورلار، یا دا آکتیو – «پاتریوت» سیستملری و ان اساسی اونلار اوچون راکتلرله تشکیل اولونور. بیزیم ان چوخ احتیاج دویدوغوموز محض راکتلردیر».