اوکراینا خصوصی خدمت ارگانلارینین روسیانین درینلیکلرینده یئرلشه‌ن آیرودروملارا قارشی ۱ ایون‌دا حیاتا کئچیردیی عملیات آدینا قدر دقیقلیکله دوشونولوب. «پوتین» سؤزو ایله آسوسیاسییا اولونان «پاوتینا» («هؤرومچک تورو») تصادفا سئچیلمه‌دیی کیمی، تاریخ و مکان دا تصادف دئییل.

پوا یوکلو ۵ تیر: سرحددن کئچیریلیر، روسیانین استراتژی راکت داشییجیلارینین پارکلاندیغی آیرودروملارین یاخینلیغینا قدر ایرلیلییر و اوزاقدان اداره‌ائتمه ایله تیر-لارین اوستو و کانتینرلر آچیلاراق، توتال هجوم باشلاییر.

یالنیز بیر تیر-دا اوزاق‌دان اداره‌ائتمه آلینماییب، کانتینرلر آچیلماییب، پارتلاییش داخلده اولوب – دیگر ۴ تیر-دا هر شی پلان اوزره گئدیب.

عملیات ۱ ایل ۶ آی ۹ گون واخت آپاریب؛ باخمایاراق کی، روسیا سوروجولرین حبس اولوندوغونو بیلدیریر، اوکراینا عملیات‌دا اشتراک ائد‌نلرین چوخ‌دان گئری دؤندویونو اعلان ائدیب.

اما هر ایکی اؤلکه - هم اوکراینا، هم ده روسیا اوچون اساس سواللار باشقادیر:

اوکراینا اوچون

- بو مرکب و چوخلاری اوچون الچاتماز گؤرونه‌ن عملیات نیه استراتژی راکت داشییجیلارینا قارشی حیاتا کئچیریلیر؟

- روسیا اوزاق‌منزللی بمباردمانچی طیاره‌لرینی داها جدی شکل‌ده قورویور: اونلار هم ده جبهه خطیندن کفایت قدر اوزاق‌دا یئرلشدیریلیب. اوسته‌لیک، بو طیاره‌لر روسیانین اوکراینادا آپاردیغی محاربه‌ده هئچ ده آکتیو اشتراک ائتمیرلر. بونا گؤره ده بو قدر اونیکال عملیات نیه روسیانین محاربه گوجونه اهمیتلی تأثیر ائده بیله‌جک استروکتورونا یوخ، دولایی‌سی ایله نووه گوجونه قارشی حیاتا کئچیریلیر؟

روسیا اوچون

- روسیا درحال بو حادثه‌نی ترور آکتی کیمی قیمتله‌ندیرمه‌یه چالیشدی. نیه؟ ملکی اؤلوم یوخ‌دور، ملکی اینفراستروکتورا ضربه ائندیریلمه‌ییب، حتی حربی پرسونال دا هدف آلینماییب. هدف آلینان حربی اوبیکت و حربی طیاره‌لردیر. بوردا ترور آکتیندان صحبت گئده بیلمز؛

- روسیا قصاص و جواب ضربه‌سی حاق‌دا آچیقلامالارلا گوندمده‌دیر. آنجاق اونلارلا پوا-نین یوکلندیی تیر-لارین روسیا اراضی‌سینه نئچه کئچیریلدیی و هامیسینین دا حربی آیرودروملارین یاخینلیغینا قدر گئدیب چیخماسی حاق‌دا آراشدیرما آپاریلدیغی باره‌ده هئچ بیر معلومات یوخ‌دور؛

- نئجه اولا بیلر کی، روسیا اراضی‌سینه کئچیریله‌ن ۵ تیر-دان هئچ بیری اله افشا ائدیلمه‌ییب؟

- بو تیر-لارین اؤلکه‌یه داخل اولماسین‌دا روسیانین متفقلری – خصوصیله آورواسیا اقتصادی اتفاقی نه قدر رول اویناییب؟

- بو تیر-لارین سرحد-کئچید منطقه‌لرینده یوخلامادان کنار بوراخیلماسی اوچون رشوت رول اویناییبمی؟ یوخسا بوردا روسیانین داها یوکسک وظیفه‌لی شخصلرینین الی وار؟

- ف.س.ب-نین و ۱۷ ایلدیر بو قوروما رهبرلیک ائد‌ن بورتنیکووون بوتون ایمیجینی دارماداغین ائد‌ن بو عملیاتی اوکراینا تهلوکه‌سیزلیک خدمتی تکباشینامی یئرینه یئتیریب؟

- و ان ماراقلی‌سی: سرحددن روسیا اراضی‌سینه اؤتوروله‌ن تیر-لارین سایی ۵-دیر؟ روسیا اراضی‌سینده حاضردا باشقا پوا دولو تیر یوخ‌دور کی؟

ماراقلی‌دیر کی، روسیانین حربی-سیاسی اکسپرتلری اولایی شرح ائتمکدن امتنا ائدیرلر.

گؤرونور، کرمل اؤزو حادثه‌نین شوکوندان آییلماییب و هانسی استقامتده تبلیغات آپاراجاغینی هله دقیقلشدیرمه‌ییب.