ایونون ۴-ده آذربایجان رسپوبلیکاسینین پرزیدنتی ایلهام علیئو ایله ایران اسلام رسپوبلیکاسینین پرزیدنتی مسعود پزشکیان آراسین‌دا تلفن دانیشیغی اولوب.

Axar.az خبر وئریر کی، بو باره‌ده پرزیدنتین مطبوعات خدمتی معلومات یاییب.

بیلدیریلیب کی، ایران پرزیدنتی دولتیمیزین باشچی‌سینی، قارداش و دوست آذربایجان خالقینی قارشی‌دان گلن مقدس قوربان بایرامی مناسبتیله تبریک ائدیب، خالقیمیزا رفاه و ترقی آرزولاییب.

پرزیدنت ایلهام علیئو ده اؤز نوبه‌سینده ایران پرزیدنتینی، قارداش و دوست ایران خالقینی قارشی‌دان گلن مقدس قوربان بایرامی مناسبتیله تبریک ائدیب، فراوانلیق و ترقی آرزولارینی چاتدیریب.

مسعود پزشکیان اؤلکه‌میزه رسمی سفرینی، سفر چرچیوه‌سینده دولتیمیزین باشچی‌سی ایله کئچیردیی گؤروشلری و آپاریلان ثمره‌لی مذاکره‌لری ممنونلوقلا خاطیرلاییب.

آذربایجان پرزیدنتی ده سفر زمانی آپاریلان مذاکره‌لری یوکسک قیمتلندیریب.

تلفن دانیشیغی اسناسین‌دا حاضردا ایکی اؤلکه‌نین عایدیتی دولت قوروملارینین مسعود پزشکیانین اؤلکه‌میزه رسمی سفری زمانی قارشییا قویولان تاپشیریقلارین حیاتا کئچیریلمه‌سی اوچون سعیلرینی داوام ائتدیردیکلری وورغولانیب. سفرین نتیجه‌سی اولاراق باکی-تبریز اوچوشلارینین برپاسی و باکی-تهران استقامتینده طیاره اوچوشلارینین سایینین آرتیریلماسی قید ائدیلیب، بونون خالقلاریمیز آراسین‌دا تماسلارین آرتماسینا مثبت تأثیر گؤسترجیینه امینلیک ایفاده اولونوب.

آذربایجان-ایران علاقه‌لرینین انکشافین‌دا حاضردا دؤنوش نقطه‌سینین اولدوغو وورغولانیب و بیرگه سعیلرله اؤلکه‌لریمیز آراسین‌دا مناسبتلرین مختلف ساحه‌لرده دینامیک صورتده انکشاف ائدجیینه امیدوارلیق بیلدیریلیب.

تلفن صحبتی زمانی دولت باشچیلاری قارشی‌لیقلی ماراق دوغوران دیگر مسئله‌لره ده دایر فکر مبادله‌سی آپاریبلار.