قاراباغی هله ده «مباحثه‌لی اراضی» کیمی تقدیم ائد‌ن اؤلکه آذربایجانین استراتژی طرفداشی اولمادیغی کیمی، بو اؤلکه‌یه هئچ بیر حال‌دا خانکندیده کونسوللوق خدمتی آچماغا یاشیل ایشیق یاندیریلا بیلمز.

Axar.az خبر وئریر کی. بو سؤزلری پولیتولوگ الخان شاهینوغلو پرزیدنت پوتینین کمک‌چی‌سی مدینسکینین اوکراینادا آتشکه‌سی قاراباغلا اوغورسوز مقایسه ائتمه‌سینه جواب اولاراق بیلدیریب.

«روسیا خاریجی ایشلر ناظرلیینین سؤزچوسو ماریا زاخارووا پرزیدنتین کمک‌چی‌سی ولادیمیر مدینسکینین سؤزلرینی کونتکست‌دن چیخارماماغا و اونلارا "تمامیله فرقلی بیر معنا وئرمه‌مه‌یه» چاغیریب.

بیز کونتکس‌دن هئچ نه چیخارمیریق و فاکتلاری تحریف ائتمیریک. پرزیدنتین کمک‌چی‌سی «روسیا تودای» کانالینا مصاحبه‌سین‌ده بونو دئییب: «اگر مناقشه‌نی جبهه خطین‌ده دایاندیریب، اصل صلح اولمادان، ساده‌جه آتشکس باغلانسا، - بیلیرسینیزمی، ارمنستانلا آذربایجان آراسیندا مباحثه‌لی قاراباغ بؤلگه‌سی وار ایدی، - بو رگیون بؤیوک بیر قاراباغا چئوریله‌جک». یعنی مدینسکی دئمک ایسته‌ییب کی، روسیا ایله اوکراینا آراسیندا آتشکس اولارسا، کرملین ایستیینه نایل اولا بیلمه‌یه‌جک و دونباس قاراباغ کیمی «مباحثه‌لی اراضیه» چئوریله‌جک. بو باش وئرمه‌سین دئیه کرملین اوکراینادا مسئله‌نی «کؤکلو» حل ائتمک ایستییر.

بیرینجی‌سی، آذربایجان قاراباغی اشغال‌دان آزاد ائدیب، روسیا ایسه دونباسی اشغال ائدیب. ایکی‌سی آراسیندا ان بؤیوک فرق بودور.

ایکینجی‌سی، کئچمیش اشغال‌چی دولت اولان ارمنستانین حاکمیتی محاربه‌دن سونرا قاراباغی آذربایجان اراضی‌سی کیمی تانیییب، اوکراینا ایسه اشغال آلتینداکی اراضیلرین روسیایا عایید اولدوغونو قبول ائتمه‌ییب. بیر مقامی دا نظره آلمالیییق کی، مدینسکینین قاراباغلا دونباس آراسیندا آپاردیغی اوغورسوز مقایسه یالنیز اونون بین‌ینین محصولو دئییل، کمکچی‌سی اولدوغو شخص ده اونون کیمی دوشونور، ساده‌جه آذربایجان اوردوسونون غلبه‌سی کرملین صاحبینه رئال‌لیغی قبول ائتمه‌یه مجبور ائدیب. آنجاق بئله بیر آدامین بیر گون رئال‌لیغی دییشمک ایستمدییندن امین اولا بیلمریک».