روسیا لیدری ولادیمیر پوتینین کمکچی‌سی ولادیمیر مدینسکینین اؤتن گون اوکراینادا «صلح‌سوز آتشکسی» قاراباغلا مقایسه ائتمه‌سینه رئاکسییالار تعجب دوغورور.

مدینسکی دئدی کی، اگر مناقشه‌نی جبهه خطینده دایاندیریب، اصل صلح اولمادان، ساده‌جه آتشکس باغلانسا، - بیلیرسینیزمی، ارمنیستانلا آذربایجان آراسین‌دا مباحثه‌لی قاراباغ بؤلگه‌سی وار ایدی، - بو رگیون بؤیوک بیر قاراباغا چئوریله‌جک، بیر مدت سونرا اوکراینا ناتو-یا عضو اولاجاق، متفقلری ایله بیرلیکده بو اراضیلری گئری آلماغا چالیشاجاق و بو، پلانتین سونو اولاجاق، بو، نووه محاربه‌سی اولاجاق.

اساس اعتراض مدینسکینین قاراباغی «مباحثه‌لی اراضی» آدلاندیرماسینین اوستونده‌دیر: حتی خارجی ایشلر ناظیرلیی روسیانین قاراباغین آذربایجان اراضی‌سی اولدوغونو اشغال دورونده ده تانیدیغینی آرگومنت کیمی پوتینین کمکچی‌سینه خاطیرلادیب.

مدینسکی تاریخ‌چی‌دیر، حتی کیئوین ۱۲-جی عصردن اوزو بری «تاریخی حاق‌دا» استانبول‌دا گئنیش بیر محاضره ده اوخویوب کی، اکثر دانیشیقچیلار بوندان ناراحاتدیرلار. چونکی صحبت تاریخ‌دن یوخ، حاضیرکی بین‌الخالق عهده‌لیکلردن، سرحدلرین توخونولمازلیغیندان، حقوقدان گئدیر.

روسیایا «بین‌الخالق حقوق»، «سرحد توخونولمازلیغی» و سایر دیرلر کئچمیر کی! بو اؤلکه تاریخی ده هر زمان ساختالاشدیریب، اؤزو قوردوغو ساختا تاریخه استناد ائدیب، حقوقو دا آیاقلارینین آلتینا آلیب!

مدینسکی محض بونو، هم ده ایلک دفعه، هم ده ان یوکسک سوییه‌ده اعتراف ائتمیش اولدو! تاریخ‌چی‌دیر آخی – بوتون پروسسی یاخشی بیلیر: آدام بیرجه جمله‌ده اعتراف ائتدی کی، ارمنیلری ۱۸۲۸-جی ایل تورکمنچای مقاوله‌سیندن سونرا بؤلگه‌یه گتیریب یئرلشدیرن، ارمنیلره آذربایجان تورپاقلارین‌دا دولت قاییران، قاراباغا مختار ولایت استاتوسو وئرن ده بیزیک، کئچمیش داغلیق قاراباغی اشغال ائدیب، ارمنیلره تقدیم ائد‌ن ده!

ایندی ده عینی پروسسی روسیا اوکراینادا آپاریر – آنجاق بو دفعه «ارمنی» آدییلا دئییل، اؤز آدییلا؛ بو دفعه ارمنیلری قاباغا وئریب، «خالقلارین اؤز مقدراتینی تعیین ائتمک حقوقو» ایله مانیپولیاسییا ائتمیر، ایندی «میلیونلارلا روس اجماع‌سینین حقوقونو قوروماق» آدی ایله اوکراینانین بین‌الخالق سوییه‌ده تانینان اراضیلرینی اشغال ائدیر!

مدینسکی آچیق شکل‌ده دئدی کی، ۱۹۹۴-جو ایلده، «باشیمیز قاریشیق» اولان‌دا ارمنیستانلا آذربایجان آتشکس امضالادی، نتیجه‌ده آذربایجان ۳۰ ایله یاخین زمان‌دان سونرا اؤز تورپاقلارینی اشغال‌دان آزاد ائده بیلدی – حالبوکی بیز بونا امکان وئرمیه‌جکدیک!

مدینسکی اعتراف ائدیر کی، ۱۰ نویابر ۲۰۲۰-جی ایل سازشینده نیه اسرار ائدیب!

مدینسکی پوتینین ۲۰۲۲-جی ایل ۵ اوکتیابردا پاشینیانین قاراباغی آذربایجان اراضی‌سی کیمی تانیدیغیندان دولایی «شوکا دوشدویونو» آچیق شکل‌ده اعتراف ائتمه‌سینی خاطیرلادیر بو سؤزلرله - چونکی روسیانین «پلانی» باشقایدی.

مدینسکی آذربایجان و تورکیه‌نین تیمثالین‌دا ناتو-نون جنوبی قافقازدا روسیانین اشغال ائتدیی اراضیلری گئری قایتارا بیلمه‌سینی آچیق شکل‌ده اعتراف ائدیر – بوندان نیه تعجبلنیرسینیز کی!

ایندی ده روسیا اوکراینانین اراضی‌سینی اشغال ائدیب و بونو دا دقیق‌لیی ایله بیلیر؛ بیلیر کی، بو، بین‌الخالق حقوقا ضددیر، نووه سلاحینی الیندن آلماق اوچون تهلوکه‌سیزلیینه گارانت اولدوغو بیر اؤلکه‌نی پارچالاماقدیر و احتیاط ائدیر کی، آتشکس اولار، اوکراینا گوجله‌نر و اشغال‌داکی تورپاقلارینی گئری آلار!

اصلینده اعترافا گؤره مدینسکییه تشکور بورجوموز وار.

مدینسکی هم ده غلبه‌میزین مقیاسینی داها دوغرو درک ائتمک فرصتی وئریر...