اسرائیلین ایرانا هجومون‌دان ایکی گون اؤنجه - ۱۱ ایون‌دا تهرانین وناک میدانین‌دا آراش کمانگیرین (آرش اوخاتان) هیکلی اوجالدیلیب. آراش کمانگیر ایرانین تورانا – تورکلره قارشی محاربه‌سینین میفیک قهرمانی حساب اولونور. میفه گؤره، آراشین آتدیغی اوخ بیر نئچه مین کیلومتر اوچاراق، ایرانلا تورانین سرحدینی آییریب. بونا گؤره آراش کمانگیر اوبرازی ایران‌دا هم ده سرحدین بوتؤولویونو سیموولیزه ائدیر.

Axar.az خبر وئریر کی، بو باره‌ده پولیتولوگ آصیف نریمان‌لی قید ائدیب.

«بو هیکلین قویولماسی بیرمعنالی قارشی‌لانمیر. چونکی اسلام دولتی قوردوغونو ادعا ائد‌ن ایران رژیمی همیشه ملت‌چیلییه قارشی اولدوغونو بیان ائدیب. ایندی – اسرائیلله محاربه فونوندا دینی موتیولره اساسلانان رژیم پهلویلرین ایرق‌چی میفینه هیکل اوجالتماقلا فارس شووینیزمینی اؤنه چیخاریر. و بئله گؤرونور کی، رژیم قابیغینی یئنی‌لمکله حل‌ائدیجی محاربه‌ده فارس ملتچیلیینین ایرانی قوروماق حرکاتینا بئل باغلاماق نیتین‌ده‌دیر. رژیمه قارشی بین‌الخالق پلانلاردا محض فارس شووینیزمینه خیدمت ائد‌ن پهلویلرین حاکمیته گتیریلمه‌سی استثنا ائدیلمه‌یه‌ن واریانتلاردان‌دیر. ایران رئژی‌می ده پهلوی ایرقچیلیینه هیکل اوجال‌داراق، بو خطی ده اؤز طرفینه چکمک ایستییر.

آرش کمانگیرین اوخونون محض آرازین بو تایینا – آذربایجانا توشلانماسی ایله باغلی فکرلر ده خصوصیله دقت چکیر. و او قدر ده تعجب‌لو قارشیلانمامالیدیر. رژیمین آذربایجانی ایران سرحدلرینه - فارس شووینیزمینین بوتؤو ایران ایدئولوگیاسینا تهلوکه منبیی کیمی گؤسترمه‌سی ایلک حال دئییل، هرچند، سون ۵ گونده ایرانین دوشدویو وضعیت فونوندا بو جور سیموولیکا تراگیکومدییایا بنزییر.

بیزه ایسه آراشین اوخونون اسرائیل قارشی‌سین‌دا «نه‌یه قادر اولدوغونا» تماشا ائتمک قالیر»، - او بیلدیریب.