روسییا فدراسییاسینین رگیونال استنتاق کمیته‌سی و روسیا داخلی ایشلر ناظرلیینین سوئردلووسک ویلایتی اوزره باش اداره‌سی یکاترینبورگدا آذربایجان‌لیلارا قارشی کئچیریلن عملیات باره‌ده بیرگه معلومات یاییب.

Axar.az خبر وئریر کی، معلومات‌دا روسیا استنتاق کمیته‌سینین سوئردلووسک ویلایتی رگیونال اداره‌سینین روسیا داخلی ایشلر ناظرلیینین رگیونال باش اداره‌سینین امکداشلاری ایله بیرگه روسیا گواردیاسینین خصوصی چویک هجوم دسته‌سینین (سوبر) دؤیوشچولرینین دستیی ایله ایولون ۲۷-ده اؤتن ایللرده تؤردیلمیش جنایتلر اوزره جنایت ایشلرینین استنتاقی چرچیوه‌سینده بیر سیرا تدبیرلر حیاتا کئچیردیکلری بیلدیریلیب.

قید اولونوب کی، اؤتن ایللر عرضین‌ده یکاترینبورقدا باش وئرمیش بیر سیرا جنایتلر تؤرتمک‌ده شبهه‌لی بیلینه‌ن شخصلر ساخلانیلیب و همین شخصلرین یاشاییش یئرلرینده ده آختاریشلار آپاریلیب، اونلارین استنتاق آلتیندا اولان جنایتلرده و دیگر جنایتلرده اشتراکلاری یوخلانیلیر.

استنتاق ماراقلاری نامینه ایندیکی مرحله‌ده اطراف‌لی معلوماتین آچیقلانمادیغی بیلدیریلیب.

قید ائدک کی، ایونون ۲۷-ده سحر ساعتلارین‌دا یکاترینبورگدا آذربایجان‌لیلارین یاشادیغی ۱۰-دان چوخ منزیل‌ده عملیات کئچیریلیب. اصلا آغدام‌دان اولان سفروولار عائله‌سینین اکثر عضولری توتولوب. عملیات زمانی ایکی قارداش زیدالدین و حسین سفروولار اؤلدورولوب. داها ۹ نفر ایسه ساخلانیلیب.

معلوماتا گؤره، ۳ نفر خسته‌خانایا یئرلشدیریلیب. اونلارین وضعیتینین آغیر اولدوغو بیلدیریلیب.

آذربایجان خاریجی ایشلر ناظرلییی مسئله ایله باغلی بیانات یاییب.