اینگیلتره ملی‌سینین کئچمیش کاپیتانی دیوید بکهام کاریراسی ایله باغلی پشمان‌لیغینی دیله گتیریب.

Axar.az خبر وئریر کی، او، کاریئراسینی باشا ووردوقدان سونرا الده ائتدیی مشهورلوغون فوتبول اویناماقدان آلدیغی هیجانی عوض ائتمدیینی و بونا گؤره هله ده چوخ داریخدیغینی قید ائدیب:

"حیاتینین هر هانسی‌سا بیر مهم مرحله‌سیندن کئچن‌ده، بعضا همین آندا بوتون بونلاری تام شکیل‌ده درک ائتمک چتین اولور.

فوتبول اوینادیغیم گونلر اوچون چوخ داریخیرام و دوشونموره‌م کی، او زمان هر شئی بیتدیکدن سونرا بوتون بونلارین منه نه قدر چتین اولاجاغینی درک ائدیردیم. اگر بیر شیی دییشه بیلسیدیم، اؤزومه گنج ایکن هر آنین قدرینی بیلمیی مصلحت گؤرردیم".

خاطرلاداق کی، بکهامین کاریئراسی اینگیلتره فوتبول تاریخینین ان پارلاق کاریرالاریندان بیریدیر. او، "مانچستر یونایتد"له چوخ سایدا مکافات قازاندیقدان سونرا، "رئال مادرید"، "لوس-آنجلس گالاکسی"، "میلان" و پ.س.ژ-ده چیخیش ائدیب، ۲۰۱۳-جو ایلده ایسه فوتبول کاریئراسینی تمامیله باشا ووروب. حاضردا او، ام.ال.اس کلوبو "اینتر مایامی"نین هم‌صاحبی‌دیر و دنیانین ان تانینمیش سیمالاریندان بیری کیمی بؤیوک کومرسییا اوغورو قازانیب.