ایران چئمپیوناتیندا مبارزه آپاران تبریزین "تراکتور" کومانداسی سون زامانلاردا کلوبا قارشی اولان حاقسیزلیقلارلا باغلی بیانات یاییب.

Axar.az خبر وئریر کی، بو باره‌ده کلوبون رسمی حسابیندا پایلاشیم ائدیلیب.

کلوبون صاحبی محمدرضا زنوزی آدیندان یاییلان بیانات‌دا دئییلیر: "ایران فوتبول فدراسییاسی فوتبولو اداره ائتمک گوجونه مالیک‌دیر. آنجاق بو گوج یوخدورسا، استعفا وئرمه‌لی‌دیر. فوتبولو اداره ائده بیلمیرسینیزسه، کنارا چکیلین! یوخسا، "تراکتور" کلوبونون بو لیگادا قالماسی اوچون هئچ بیر سبب اولمایاجاق. عدالتلی شکیلده اداره اولونماسی ممکن اولمایان بیر فوتبولون عمومیتله دایاندیریلماسی داها یاخشی‌دیر. "تراکتور" خرج چکمیر کی، بعضیلری پیس ادارئتمه ایله اؤز منافعلرینی تامین ائتسین، بونون مقابیلینده ایسه بیزیم آزارکئشلریمیز اتنیک شعارلارین هدفینه چئوریلسین. بو شعارلار یا فدراسییانین سسسیزلییی ایله قارشیلانیر، یا دا بعضا اونون قوروملاری طرفیندن گؤرمزدن گلینیر. بو داورانیشلار قبول ائدیلمزدیر".

بیانات‌دا همچینین، قید ائدیلیب کی، لیگادا حاکملر ده پلانلی شکیلده هر شئیی "تراکتور"ون علیهینه ائدیر: "بعضی تکنیکی مسئله‌لردن کئچمک اولار، اما اتنیک تحقیرلردن اصلا. نه من، نه ده "تراکتور" آزارکئشلری بو موضونو هئچ واخت اونوتمایاجاغیق.

تأسف دوغورور کی، بیر نفره عنوانلانان تحقیره گؤره "تراکتور" جزالارلا اوزلشیر، اما اؤتن موسوم مختلیف استادیونلاردا کلوبون فوتبولچولارینا و ان اساسی تورکلره قارشی اتنیک تحقیرلر سسلندیریلدی و فدراسییا هئچ بیر جدی آددیم آتمادی. بو ایکیلی یاناشما آچیق-آشکار عدالتسیزلیین نمونه‌سی‌دیر.

سؤزوموز ایران فوتبول فدراسییاسیندا یئر آلان هر کسه‌دیر! "تراکتور"ون ایران فوتبولونا یاد بیر پارچا اولدوغونو دوشونمه‌سینلر. بو جور اداره اولونمازلیق، یا ایسته‌مه‌دن، یا دا بیله‌رکدن اؤلکه خالقلاری آراسیندا پارچالانمانی درینلشدیریر. اگر بو وضعیتی دوزلتمک گوجونوز یوخدورسا، مسئولیتی باشقاسینا وئرین, بو فوتبول یا اصلاح اولوناجاق، یا دا "تراکتور" کلوبو گئری چکیله‌جک و اؤز حقوقلارینی برپا ائتمک اوچون حقوقی و بین‌الخالق یوللارلا او جمله‌دن فیفا واسطه‌سیله آددیملار آتاجاق. بو اؤلکه‌نین خالقلاری اتنیک شعارلاردان بئزیب و آرتیق بو وضعیته دؤزمک ایسته‌میر".

خاطیرلاداق کی، ایران فوتبول فدراسییاسی و انتظام کومیته‌سی طرفیندن کلوبون اؤلکه کوبوکوندا هم ائو، هم ده سفر اویونلارینی آزارکئش‌سیز کئچیرمه‌سی ایله باغلی قرار قبول ائتمیشدی. قرار "تراکتور"ون تهران تمثیلچیسی "پرسپولیس"ه قارشی کئچیریلن کوبوک قارشیلاشماسیندان سونرا باش توتموشدو.

قید ائدک کی، اؤتن گون ایران چئمپیوناتینین ۱۵-جی توروندا "تراکتور" سفرده "شمس آذر قزوین"نین قوناغی اولوب. قارشیلاشما ۰:۰ حسابی ایله یئکونلاشیب.

بونونلادا تبریز تمثیلچیسی ریتینگ جدولینین ۴-جو پیلله‌سینده قرارلاشیب.